دەرمانێکی نوێ بۆ چارەسەری نەخۆشی شەکرە و قەڵەوی دروستدەکرێت

ئاڤا نیوز

 

ڕووسیا پشکنینە کلینیکیەکانی دەرمانێکی نوێ بۆ چارەسەرکردنی نەخۆشی شەکرە و قەڵەوی دەستپێدەکات.

 

چیرۆکی سەرەکی: زانایانی زانکۆی پزیشکی ڤۆڵگۆگراد لە ڕووسیا لەڕێگەی هەڵبژاردنی نەخۆشە خۆبەخشەکانەوە پشکنینی کلینیکیان بۆ دەرمانی Dipiaron کردووە، کە لە شێوەی کەپسولێکە و  نەخۆش لەڕێگەی دەمەوە وەریدەگرێت، بۆ چارەسەری نەخۆشی شەکرە و قەڵەوی بەکاردێت.

 

ئەوەی پێویستە بیزانیت: Dipiaron بۆ چارەسەرکردنی نەخۆشانی شەکرە و قەڵەوی داهێنراوە، واتە ئەو کەسانەی بەدەست نەخۆشیی شەکرەی پێشوەختە دەناڵێنن، ئەم دەرمانە هاوشێوەی دەرمانی  Ozempic و دەرمانەکانی دیکەی ئەم گرووپەیە، ئارەزووی خواردن و کێشی لەش کەمدەکاتەوە، بەڵام بەڕێگەی دەم وەردەگیرێت نەک بە دەرزی، هاوکات تێچووی 5 هێندە کەمترە.

 

زانیاریی زیاتر: پرۆفیسۆر ئیڤان تورێنکۆڤ دەڵێت: دەرمانی Dipiaron ئاستی شەکر دەگەڕێنێتەوە بۆ ئاستی ئاسایی و یارمەتی زیادکردنی کاریگەری چارەسەری نەخۆشی شەکرە، کۆنیشانەکانی بەرگری ئەنسۆلین و قەڵەوی دەدات. دەرمانەکە هاندەری بەرهەمهێنانی هۆرمۆنەکانی ئینکرێتین لە ڕیخۆڵە دەدات، کە هاندەری دەردانی ئەنسۆلینە و لە ئەنجامدا دەبێتە هۆی گواستنەوەی شەکر بە خێرایی بۆ شانەکان و کۆنەبوونەوەی لە خوێندا، واتە ئاستی گلوکۆز بە جێگیری دەهێڵێتەوە.

 

ئەوەی پێشبینی دەکرێت: بەپێی ئاماری سەنتەری زانستی بۆ دەرمانی داهێنەرانە لە زانکۆی پزیشکی ڤۆڵگۆگراد، ژمارەی تووشبووانی نەخۆشی شەکرە لە جۆری دووەم بەردەوام لە زیادبووندایە و پێشبینی دەکرێت لە ساڵی 2040 ژمارەیان بگاتە 642 ملیۆن کەس لە جیهاندا.