نوێنەرانی كورد لە بەغدا هەوڵی چارەسەركردنی گرفتی مووچەی فەرمانبەرانی هەرێمی كوردستان دەدەن

ئاڤا نیوز 

 

پرسی مووچە نوێنەری لایەنە سیاسییەکان لە بەغداد کۆدەکاتەوە

 

وێنە گەورەكە: كاتژمێری 8:00 ی ئەمشەو، لە ماڵی شاخەوان عەبدوڵڵا، جێگری سەرۆكی پەرلەمانی عێراق، سەرۆكی فراكسیۆنە كوردییەكانی پەرلەمان و وەزیرە كوردەكانی حكومەتی عێراق بۆ چارەسەری پرسی مووچە كۆدەبنەوە و ئامانجیان چارەسەری خێرا و بنەڕەتیی گرفتی مووچەی فەرمانبەرانی هەرێمی كوردستانە.

 

لێدوانی فەرمی: شاخەوان عەبدوڵڵا، جێگری سەرۆكی پەرلەمانی عێراق لە لێدوانێکی ڕۆژنامەوانیدا ڕایگەیاند: بەرپرسیارییەتییەكی ڕەوشتی و یاسایی لەسەر ئێمەیە، کە لە پرسی مووچەدا یەكدەنگ بین و كۆبوونەوەی ئەمشەویشمان لەو چوارچێوەیەدایە.
 
ئەمەش بزانە: شاخەوان عەبدوڵڵا پێشتریش وتبووی: دەمانەوێت بابەتی مووچە لە چوارچێوەی موزایەدەی كەسیی دەربچێت و چارەسەرێكی بنەڕەتی و كۆتایی بكرێت.