قەرزەکانی چین لەسەر ئەفریقا زیاد دەکەن

ئاڤا نیوز

 

ئەنگۆلا بە وەرگرتنی 46 ملیار دۆلار ڕیزبەندی یەکەمی گرتووە لە وەرگرتنی قەرز لە چین، سێکتەری وزە بە 62 ملیار دۆلار زۆرترین وەبەرھێنانی تێدا ئەنجامدراوە.  

 

وێنە گەورەکە: چین لە ساڵی ڕابردوودا بڕی 4.61 ملیار دۆلار قەرزی بۆ ئەفریقا پەسەندکردووە، لەدوای ساڵی 2016 ئەمە یەکەم زیادبوونی ساڵانەیە لە بەرزبوونەوەی قەرزەکان. ئەفریقا لە نێوان ساڵانی 2012 بۆ 2018 زیاتر لە 10 ملیار دۆلار قەرزی ساڵانەی لەو وڵاتە دەستەبەرکردووە.

هۆکارە زانراوەکان: بەهۆی فراوانبوونی پلانی گەشەپێدانی ساڵانەی چین، بەتایبەت ڕێگای دەستپێشخەری پشتێن و ڕێگاوبان (BRI)، قەرزەکانی چین بۆ ئەفریقا زیادی کردووە، بەڵام لەگەڵ هاتنی ڤایرۆسی کۆڕۆنا و بارودۆخی ئابووری ولاتەکە پێدانی قەرزەکان بە وڵاتانی ئەفریقی کەمی کردووە.

 

ئامارەکان وادەڵێن: توێژینەوەیەک لەسەنتەری سیاسەتی گەشەپێدانی جیهانی زانکۆی بۆستن دەریخستووە، ئامارەکانی پێدانی قەرز لەساڵی ڕابردوودا، سێ هێندەی ساڵی 2022 زیادی کردووە، لە کاتێکدا پەکین ئامادەکاری دەکات بۆ میوانداریکردنی سەرکردەکانی ئەفریقا لە هەفتەی داهاتوو بۆ کۆڕبەندی هاوکاری چین و ئەفریقا، کە سێ ساڵ جارێک بەڕێوەدەچێت. توێژینەوەکە دەریخستووە ساڵی ڕابردوو 13 گرێبەستی قەرز هەبووە، کە هەشت وڵاتی ئەفریقی و دوو قەرزدەری فرەلایەنی ئەفریقا بەشداربوون.

 

زانیاریی زیاتر: لەنێوان ساڵانی 2000 بۆ 2023 چین کۆی گشتی 182.28 ملیار دۆلاری بە کیشوەرەکە داوە و بەشێکی زۆری پارەکە بۆ کەرتەکانی وزە، گواستنەوە و تەکنەلۆژیا و کەرتی دارایی و پیشەسازی بەکارهاتووە.