سوودانی ڕەزامەندی بۆ خەرجکردنی مووچە دەربڕی

ئاڤا نیوز 

سەرۆکوەزیرانی عێراق ڕەزامەندی بۆ خەرجکردنی مووچەی مانگی حەوتی مووچەخۆرانی هەرێمی کوردستان دەربڕی.

لێدوانی فەرمی: سەرچاوەیەک لە وەزارەتی دارایی و ئابووری هەرێمی کوردستان بە ئاڤا نیوزی ڕاگەیاند، محەممەد شیاع سوودانی، سەرۆکوەزیرانی عێراق ڕەزامەندی لەسەر خەرجکردنی سەرجەم مووچەی مانگی حەوتی فەرمانبەران و خانەنشینان و هێزە ئەمنییەکانی هەرێمی کوردستان دەربڕیوە.

باکگراوند: دوو ڕۆژ پێش ئێستا تەیف سامی، وەزیری دارایی عێراق ئاشکرای کرد ئەمڕۆ پێنجشەممە مووچەی فەرمانبەرانی مەدەنی هەرێمی کوردستان ڕەوانە دەکەن. لەبارەی مووچەی هێزە  ئەمنییەکانیش گوتی پێویستی بە ڕەزامەندی  سوودانییە.

ئەوەی پێویستە بیزانیت:  پێش بڵاوبوونەوەی ئەم هەواڵە خەلیل دۆسكی، ئەندامی لیژنەی دارایی پەرلەمانی عێراق بە ئاڤا نیوزی گوت: دوێنێ شەو پەیوەندیم بە بەرپرسانی وەزارەتی دارایی عێراق كرد، جەختیان كردەوە ئەمڕۆ مووچە دەنێرن.