یەکەمین پێشبڕکێی خلیسکانێی سەر بەفر لە باڵەکایەتی بەڕێوەچوو

ئاڤا نیوز

یەکەمین پێشبڕکێی خلیسکانێی سەر بەفر لە پڕژێ-ی دەڤەری باڵەکایەتی بە بەشداریی 40 یاریزانی کورد و بیانی بەڕێوەچوو.

له‌ چه‌ند ساڵی ڕابردوودا لەکاتی بەڕێوەچوونی فێستیڤاڵی زستانە ته‌نها یاریزانه‌ بیانییه‌كان له‌ هه‌رێمی كوردستان یاریی سه‌ركێشیى زستانه‌یان ده‌كرد، بەڵام ئێستا یاریزانانی كورد له‌گه‌ڵ ئه‌م یارییه‌ ئۆڵه‌مپییه‌ ڕاهاتوون و  تیمی خلیسکانێى سه‌ر به‌فری چۆمان نزیكه‌ى 25 یاریزانی هه‌یه‌.

كه‌شوهه‌وا و دیمه‌نى سه‌رنجڕاكێشی به‌فر و ته‌پۆلكه‌ و چیاى سەرکەش، هه‌موو ئه‌مانه‌ بوونه‌ته‌ گرنگترین بنه‌ماى گه‌شتیارى زستانه‌ لە دەڤەری باڵەکایەتی. نمایشی نایابی یاریزانان و هه‌ڵپه‌ڕکێی گه‌شتیارانیش پێشبڕكێکەی گه‌رمتر كردبوو.