عەبادی: سەدر بەشداریی هەڵبژاردنی داهاتوو دەکات

ئاڤا نیوز

 

سەرۆکی هاوپەیمانیی نەسر ئەگەری بەشداریکردنی ڕەوتی نیشتیمانیی شیعە لە هەڵبژاردنی داهاتووی ئەنجوومەنی نوێنەرانی عێراق ئاشکرا دەکات.

 

وێنە گەورەکە: دوای کشانەوەی  موقتەدا سەدر لە پرۆسەی سیاسی، پێشبینیی گەڕانەوەی، ڕێبەری ڕەوتی نیشتیمانیی شیعە بۆ هەڵبژاردنی داهاتووی پەرلەمانی عێراق دەکرێت.

 

لێدوانی فەرمی: حەیدەر عەبادی، سەرۆکی هاوپەیمانیی نەسر بە میدیای فەرمی عێراقی ڕاگەیاند: "هەڵوێستی ڕەوتی سەدر تاوەکو ئێستا لەسەر پرسی گەڕانەوە و بەشداریکردن لە پرۆسەی هەڵبژاردن ڕوون نییە، چونکە ڕەوتەکە بایکۆتی هەڵبژاردنی ئەنجوومەنی پارێزگاکانی کرد".

 

زانیاریی زیاتر: "هیوادارین سەدر بگەڕێتەوە و ئەو تێڕوانینەشمان بۆ دروستبووە کە بەشداریی هەڵبژاردن دەکات، چونکە بایکۆتکردن بێسوودە و ئەڵتەرناتیڤ نییە بۆ کاری سیاسی". عەبادی وادەڵێت.