مامۆستایانی گرێبەست سێ مووچە بەیەکەوە وەردەگرن

ئاڤا نیوز

مووچەی مانگی سێی مووچەخۆرانی هەرێمی کوردستان دابەشکراوە، بەڵام تاوەکو ئێستا مووچەی مانگەکانی یەک و دوو و سێی مامۆستایانی گرێبەست دابەش نەکراوە. وەزارەتی دارایی ڕێکارەکانی خەرجکردنی مووچەی هەر سێ مانگەکەی بەیەکەوە دەستپێکردووە.

وێنە گەورەکە: لە مانگی حەوتی ساڵی ڕابردووەوە ژمارەیەک فەرمانبەر و مامۆستا لەسەر میلاکی پەروەردە بە شێوەی گرێبەست دامەزراون و تاوەکو ئێستا تەنیا یەک مووچەیان وەرگرتووە کە مووچەی مانگی 11ـی ساڵی ڕابردوو بووە، ئەمەش بە هۆی تەواونەبوونی مامەڵەی نوێکردنەوەی گرێبەستەکانیان بووە.

لێدوانی فەرمی: سەرچاوەیەکی باڵا لە وەزارەتی دارایی و ئابووری بە ئاڤای ڕاگەیاند، "بەهۆی نەبوونی سیولە تاوەکو ئێستا ئەو پارەیە خەرجنەکراوە، بەڵام لەسەر هێڵین و لەماوەی سێ ڕۆژی داهاتوودا کێشەکە چارەسەر دەبێت و مووچەی هەر سێ مانگەکە بەیەکەوە خەرج دەکرێت.

ئەوەی پێویستە بیزانیت: ژمارەی مامۆستایانی گرێبەستی قوتابخانەکان نزیکەی 38 هەزار کەسن.