پەرتووكی بیرەوەریەكانی دكتۆر ڕۆژ نوری شاوەیس بڵاوكرایەوە

ئاڤا نیوز

پەرتووکی “گەشتێک بە ژیانی پێشمەرگایەتیم” کە باس لە بیرەوەرییەکانی دکتۆر ڕۆژ نوری شاوەیس دەکات، بڵاوکرایەوە.

وێنە گەورەکە: دکتۆر ڕۆژ نووری شاوەیس، پێشمەرگە و سیاسییەکی کوردستان بوو، هەر لە لاویەتییەوە پێشمەرگە بووە و دواتریش لە بزوتنەوەی ڕزگاریخوازی کوردییدا جێپەنجەیەکی دیار و گەورەی هەبوو، پێش ئەوەی کۆچی دوایی بکات، ژیاننامەی خۆی لە دوتوێی پەڕتوێکێکدا بەناوی “ گەشتێک بەژیانی پێشمەرگایەتیمدا” نوسیییەوە.

ئەوەی پێویستە بیزانیت: پەڕتووکە 604 لاپەڕەی قەبارە مامناوەندە و هەزار تیراژی لێ چاپکراوە و لە چاپخانەکانی کوردستاندا بەردەستە.

زانیاريی بەدەستهاتوو: سەرۆک بارزانی لە لاپەڕە پێنجـی پەڕتوکەکەدا پەیامێکی  بۆ ئەم بیرەوەرییانەی پێشمەرگە و سیاسەتمەدار د. ڕۆژ نوری شاوەیس نووسیوە.

ئەمەش بزانە:"گەشتێک بە ژیانی پێشمەرگایەتییم" زۆرترین بیرەوەری لە خۆگرتووە و نووسەر یاداشتەکانی خۆی لەبارەی چەندین ڕووداوی گرنگ لە مێژووی بزاڤی ڕزگاریخوازیی کورد تۆمار کردووە.

باکگراوند: دکتۆر ڕۆژ نوری شاوەیس، لە ساڵی 1947 لە شاری سلێمانی لە خانەوادەیەکی نیشتیمانپەروەر لەدایکبووە، ڕۆژی 15ـی شوباتی ساڵی 2021 کۆچی دوایی کردووە.