بە ڤیدیۆ؛ ماددەی هۆشبەر لەنێو 'فەردە برنج' دەشاردرێتەوە و دەستی بەسەردا دەگیرێ

ئاڤا نیوز

 

دەزگای ئاسایشی نیشتمانیی عێراق دەستگیرکردنی تۆڕێکی نێودەوڵەتی و دەستبەسەرداگرتنی 200 هەزار حەبی لە جۆری 'کاپتاگۆن' لە پارێزگای نەجەف ڕاگەیاند.

 

وێنە گەورەکە: سەرەڕای دەستگیرکردنی چەندین تۆڕی خۆماڵی و نێودەوڵەتی کە کاری کڕین و فرۆشتن بە ماددە هۆشبەرەکانەوە دەکەن، عێراق بووەتە گۆڕەپانی بازرگانانی ئەو ماددانە و ساخکردنەوەیان.

 

ڕاگەیێنراوی فەرمی: دەزگای ئاسایشی نیشتمانیی عێراق ڕایگەیاند: تیمەکانمان لە پارێزگای نەجەف توانیان تۆڕێکی نێودەوڵەتی بازرگانیکردن هەڵبوەشێننەوە و سێ لە تاوانبارانی تۆڕەکە دەستگیر بکەن و دەستبەسەر 200 هەزار حەب لە جۆری 'کاپتاگۆن' بگرن.

 

زانیاریی زیاتر: ئۆپەراسیۆنەکە پشتبەستوو بە زانیاریی هەواڵگری کرا، تاوانباران ماددە هۆشبەرەکانیان لەناو تایەی ئۆتۆمبێل و کیسی برنج شاردبووەوە.

 

ئەوەی پێویستە بیزانیت: پێش چەند ڕۆژێک نەتەوە یەکگرتووەکان لە ڕاپۆرتێکیدا هۆشدارییدا لەوەی خەریکە عێراق دەبێتە ناوەندی بڵاوبوونەوەی ماددە هۆشبەرەکان لە ناوچەکەدا، بەشێوەیەک بووەتە خاڵی یەکتربڕی ڕێکخراوێکی جیهانیی قاچاخچیی ماددە هۆشبەرەکان.