عێراق و ئەمریکا گفتوگۆ لەبارەی چارەنووسی هێزەکانی هاوپەیمانان دەکەن

ئاڤا نیوز 

شاندی باڵای عێراق لە وانشتن لەگەڵ لایەنی ئەمریکی، لەبارەی وادەی کشانەوەی هێزەکانی هاوپەیمانان لە عێراق گفتوگۆ دەکەن.

وێنە گەورەکە: شاندێکی سەربازی عێراق لە ئەمریکایە بۆ گفتوگۆکردن لەبارەی پرسە ئەمنییەکان و لەوانەش پرسی بوونی هێزەکانی ئەمریکا و هاوپەیمانان لە عێراق.

ڕاگەیێنراوی فەرمی: وەزارەتی بەرگریی ئەمریکا ڕایگەیاند: "بەرپرسانی ئەمریکا و عێراق لە پێنتاگۆن لەبارەی وادە و چۆنیەتی کۆتاییهاتنی ئەرکەکانی هاوپەیمانیی نێودەوڵەتی دژی داعش لە عێراق گفتوگۆ دەکەن و گواستنەوەی پەیوەندییەکان بۆ هاوبەشی و دووقۆڵیی  هەمیشەیی تاوتوێ دەكەن.

زانیاریی زیاتر: بەگوێرەی ڕاگەیێنراوەکە، سبەی سێشەممەش کۆبوونەوەی دووقۆڵی بەڕێوەدەچێت.

ئەوەی پێویستە بیزانیت: شاندی سەربازی عێراق، نوێنەری هێزەکانی پێشمەرگەشی لەگەڵدایە.