بە زیرەكيی دەستكرد شیكردنەوە بۆ دەستنووسە كۆنەكان دەكرێت

ئاڤا دیجیتاڵ

سێ توێژەری بواری دەستنووسە كۆنەكان، گەورەترین خەڵاتیان بەدەستهێنا، بەهۆی شیكردنەوە و خوێندنەوەی ورد بۆ چەند دەستنووسێكی كۆن كە تەمەنیا دوو هەزار ساڵ زیاترە.

چیرۆكی سەرەكی: سێ توێژەر كە یەكێكیان میسرییە، خەڵاتێكیان بەدەستهێنا كە بەهاكەی 700 هەزار دۆلارە، چونكە بە زیرەكيی دەستكرد، شیكردنەوەیان بۆ چەند پارچە نووسراوێك كردووە كە تەمەنیان  دوو هەزار ساڵە و چەندین ساڵ پێش ئێستا زیانیان بەركەوتووە.

ئەوەی پێویستە بیزانیت: چوار دەستنووسەكە تەمەنیان دەگەڕێتەوە بۆ هەزاران ساڵ پێش ئێستا، زاناكان بەبەكارهێنانی زیرەكی دەستكرد، توانیویانە شیكردنەوە بۆ ناوەڕۆكی بابەتەكە بكەن.

یەكێك لەو وشانەی كە لە دەستنووسەكەدا شیكردنەوەی بۆ كراوە وشەی "وەنەوشەیی" بووە كە توانراوە خوێندنەوەی تەواوەتی بۆ بكرێت، هەروەها بەشێك لە نووسینەكەش باس لە میوزیك و چۆنیەتی چێژوەرگرتن لە میوزیك دەكات.

لێدوانی فەرمی: ڕۆبەرت فاولەر، سەرۆكی كۆمەڵەی هێركۆلینۆیم بۆ خوێندنەوەی مێژووی بابەتە نووسراوەكان دەڵێت: توانروە هەندێك لە دەقەكان بە باشی شیبكرێنەوە بۆیە خەڵات دراوە بەو سێ توێژەرە.