گرافیکی ئاڤا نیوز
ئاڤا نیوز
دامەزراوەی قەتەر یان (Qatar Foundation) نزیکەی 30 ساڵە پڕۆژەکانی لەبواری پەروەردە و زانست و گەشەپێدانی کۆمەڵگە لە ڕۆژهەڵاتی ناوەڕاست دەستپێکردووە.
وێنە گەورەکە: بڕیارە ئەمڕۆ شەممە لێکتێگەیشتنێک لەنێوان ئۆفیسی دەستپێشخەری و پەیوەندییەکانی حکومەتی هەرێمی کوردستان و قەتەر فاوەندەیشن واژۆ بکرێت.
بۆچی گرنگە: بەگوێرەی زانیارییەکانی ئاڤا نیوز، ناوەرۆکی لێکتێگەیشتنەکە بۆ ڕاهێنانە بەگەنجانی زانکۆکانی هەرێمی کوردستان لەبواری پەروەردە و توێژینەوەی زانستی و گەشەپێدانی کۆمەڵگە، تەنانەت پرۆگرامەکانی ڕاهێنان بە گەنجانی هەرێمی کوردستان لە وڵاتی قەتەریش لەخۆ دەگرێت.
درێژەی ڕاپۆرت
پێشینەی (قەتەر فاوەندەیشن)
ئەم دامەزراوەیە لەساڵی 1995 بە دەستپێشخەری شێخ حەمەد بن خەلیفە ئال سانی دامەزراوە، بۆ پڕۆژەکانی پشت بەخۆی دەبەستێت و یارمەتی لە حکومەتی قەتەریش وەردەگرێت، ئێستا شێخە موزا کچی ناسر دایکی میری ئێستای قەتەر سەرپەرشتی (قەتەر فاوەندەیشن) دەکات.
پێشینەی ئۆفیسی دەستپێشخەری و پەیوەندییەکان OIC
ڕۆژی 29ی حوزەیرانی 2023 سەرۆکوەزیران بارزانی ئۆفیسی دەستپێشخەری و پەیوەندییەکانی لەشاری هەولێر کردەوە، ئامانجی دامەزراندنی ئۆفیسەکە بۆ گەیاندنی پەیامی خەڵک بە سەرۆکی حکومەت و لەهەمان کاتدا گەیاندنی پەیامی سەرۆکوەزیران بارزانییە بەخەڵک، هاوکات بۆ گرنگیدان بە تواناکانی گەنجان و ڕاهێنانیانە لەبوارەکانی پەرەدان بەخود.
(قەتەر فاوەندەیشن) لە چ بوارێک کار دەکات؟
دامەزراوەی قەتەر لەماڵپەڕی فەرمی دامەزراوەکە لەبارەی کارەکانیان نووسیویەتی؛ دامەزراوەکە کارکردنی خۆی چڕ کردووەتەوە لەبوارەکانی (پەروەردە، توێژینەوەی زانستی، گەشەپێدانی کۆمەڵایەتی)، تواناکانی گەنجانی زانکۆ دەدۆزێتەوە و لەبواری زانستی پەرەیان پێدەدات بۆئەوەی لە پێشکەوتنی قەتەر دەستیان هەبێت، لەهەمان کاتدا زانکۆ جیهانییەکان بۆ وڵاتی قەتەر ڕادەکێشێت بۆ پەرەدان بە بنەما زانستییەکان لە بوارە جیاوازەکان.
گەنجانی قەتەر دەگەن بە شوێنێکی دیكە
ئەم دامەزراوەیە دەیەوێت لەڕێگەی توێژینەوەی زانستی، نوێترین تەکنۆلۆژیای لێکۆڵینەوەی بوارە جیاوازەکانی زانست لە وڵاتی قەتەر دەستەبەر بکات، ئامانجی ئەوەیە قەتەر بکاتە ناوەندی کۆکردنەوەی عەقڵە زانستییە جیهانییەکان. هاوکات لەڕووی کولتووریەوە دامەزراوەکە ئامانجی ئەوەیە کۆمەڵگەیەکی پێشکەوتوو لە قەتەر بونیاد بنێت.
دامەزراوەکە ئامانجی ئەوەیە گەنجانی قەتەر بکاتە خاوەن بڕوانامەی بەرز لەبواری ئابوری، بۆئەوەی ببن بە توانای کێبڕکێکاری ئابوری لەسەر ئاستی جیهان، هاوکات ڕەواندنەوەی ئەو قسەیەی لەسەر قەتەر دەکرێت گوایە وڵاتێکە تەنیا لەسەر نەوت و گاز دەژین.
لە بواری پەروەردە
پرۆگرامە پەروەردەییەکان وەک بەشێکی دانەبڕاوە لە کارنامەی (قەتەر فاوەندەیشن) دەبینرێن، قوتابیانی قەتەر لەسەر پاراستنی ژینگە و بەرپرسیاریەتی کۆمەڵایەتی پەروەردە دەکات.
لە بواری ژینگەیی
دیارترین ئامانجی قەتەر فاوندەیشن لە گرنگیدان بە وزەی نوێبوونەوەو پشتنەستن بە وزەی خۆر و کەمکردنەوەی دەردانی کاربۆن دەردەکەوێت، دامەزراوەکە کارکردنی خۆی چڕکردوەتەوە لەبواری هۆشیاری هاونیشتمانیانی قەتەر لەسەر گەرمبوونی زەوی و پشت بەستن بە وزەی خۆر.
زیاتر لەسەر ئەم بابەتانە بکۆڵەرەوە
دوایین هەواڵەکان
- بزنس
- 5 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 6 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
هەڵبژاردەکان بۆ تۆ
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن
13 کاتژمێر لەمەوپێش
ئاڤا مۆڵەتی مافی مانەوەی بەهزاد خوسرەوی بڵاو دەکاتەوە
18 کاتژمێر لەمەوپێش
ژمارەیەک نووسەر و ڕووناکبیر نیگەرانیی خۆیان لە ڕووداوەکانی سلێمانی دەردەبڕن
19 کاتژمێر لەمەوپێش
تەنێکی نامۆ لە مووسڵ دەکەوێتە خوارەوە
7 ئەیلوول
خراپ بەکارهێنانی زیرەکی دەستکرد 10 تریلیۆن دۆلار زیان بە جیهان دەگەیێنێت
6 ئەیلوول
- ڕاپۆرت
- 13 کاتژمێر لەمەوپێش
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن