ئێران و چین وەڵامی ناتۆ دەدەنەوە

ئاڤا نیوز

 

ئێران و چین تۆمەتەکانی ناتۆ بە هەبوونی ڕۆڵیان لە "بەهێزکردنی ڕووسیا" لە دژی ئۆکراینا بە "بێ بنەما" و "بێ مانا" ناو دەبەن.

وێنە گەورەکە: لە ڕاگەیێنراوی کۆتایی کۆبوونەوەی لوتکەی ناتۆ ئاماژە بە نیگەرانیی ناتۆ بەرامبەر بە ڕۆڵی ئێران، چین و کۆریای باکوور لە هاوکاریکردنی ڕووسیا کرا بوو. هەر یەکە لە ئێران و چینیش بە جیا کاردانەوەیان نیشاندا و تۆمەتەکانیان ڕەتکردنەوە.

زانیاریی زیاتر: ناتۆ چینی بە "بەهێزکرندی تواناکانی ڕووسیا" و ئێران و کۆریای باکووریشی بە "توانای درێژەدان بە جەنگ" تۆمەتبار کردووە و ئەوەشیان گوتووە کە "ناتوانن لێبگەڕێن ئەم دۆخە بەردەوام بێت".

لێدوانی فەرمی: وەزارەتی دەرەوەی ئێران ڕاگەیێنراوەکەی بە "بێ بنەما" و وەزارەتی دەرەوەی چینیش بە "بێ مانا" وەسف کرد.