فۆتۆگرافەرێک بە کتێب وێنەی باڵندەکانی کوردستان بڵاو دەکاتەوە

ئاڤا نیوز

 

سابر خانەمیر سلێمان ناسراو بە سابر دری، یەکێکە لە فۆتۆگرافەرە ناسراوەکانی کوردستان و خاوەنی چەندین خەڵاتی نێودەوڵەتییە.

 

ئەوەی پێویستە بیزانیت: سابر دری لە ساڵی 2004ـەوە دەستی بە کاری فۆتۆگرافەری کردووە. ئەو، دەڵێت: "ئارەزووم بۆ سرووشت هەیە و ئەمەش هاندەربووە بۆئەوەی ببمە فۆتۆگرافەر".

 

زانیاریی زیاتر: سابر دری هەوڵدەدات بەردەوام گەشت بكات و نوێگەری لە كارەكەیدا بكات، وەك خۆشی ئاماژەی بۆ دەکات: "خۆشترین بەشی پیشەکەم ئەوەیە، کارەکانم دووبارە نابنەوە".

 

ئەمەش بزانە: دری سەبارەت بە نمایشی بەرهەمەکانی دەشڵێت: "لە وڵاتەکانی تورکیا، ئیمارات، هیندستان، بریتانیا و چەندین وڵاتی دیکە تابلۆکانم نمایش کراون".

 

گۆشەیەكی دیكە: "لەکاتی وێنەگرتن، چەندین جار تووشی مەترسیی گیاندارە دڕندەکان بوومەتەوە". سابر دری ئەوەی خستەڕوو.

 

قووڵتر: وەک باسی دەکات: "نزیکەی 17 ساڵە وێنەی باڵندەکان دەگرم. دەمەوێت ئەمساڵ لە چوارچێوەی بەرگێکدا، یەکەم کتێبی تایبەت بە باڵندەکانی کوردستان بڵاو بکەمەوە".