نازم دەباغ: لە ئێران دەمووچاوەكان دەگۆڕێن بەڵام سیاسەت ناگۆڕێت

ئاڤا نیوز

گەڕی دووەمی هەڵبژاردنی سەرۆککۆماری ئێران بەڕێوەدەچێت، نوێنەری حکومەتی هەرێمی کوردستان لە تاران دەڵێت "ئێران سیاسەتێکی نەگۆڕی هەیە".

وێنە گەورەکە: ڕۆژی هەینی، ئێرانییەکان چوونە سەر سندوقی دەنگدان و دەیانەوێت لە نێوان جەلیلی و پزیشکیان یەکێکیان بکەن بە سەرۆکی ئەو وڵاتە.

لێدوانی فەرمی: نازم دەباغ، نوێنەری حکومەتی هەرێمی کوردستان لە ئێران بۆ ئاڤا نیوز گوتی:"هەرکەس ببێت بەسەرۆکی ئێران ئەمە تەنیا گۆڕینی دەمووچاوە و سیاسەتی ئێران لە بەرامبەر عێراق و هەرێمی کوردستان نەگۆڕە و وەک خۆی دەمێنێتەوە، لە ئێران دەمووچاوەکان دەگۆڕێن، بەڵام سیاسەتی وڵات لە پرسە ستراتیژییەکاندا ناگۆڕێت".

زانیاریی زیاتر: " ئێران، کورد لە عێراق بە پارسەنگی هێز دەزانێت،دەیەوێت بە شێوەیەکی زۆر باش بمێنێتەوە، هەروەها دەبێت کورد لە عێراقدا بتوانێت پێگەیەکی بەهێزی هەبێت، ئێران ئەمەی پێباشە و کورد دەبێت سیاسەتێکی دروست لەگەڵ شیعەدا بکات". نازم دەباغ وای گوت.