گرافیکی ئاڤا نیوز
ئاڤا نیوز
ڕۆژی یەکشەممە سەرۆکوەزیران بارزانی سەردانی پارێزگای هەڵەبجە و دەڤەری هەورامانی کرد، لەگەڵ بەرپرسانی ناوچەکە و خەڵکی دەڤەرەکە کۆبووەوە.
وێنە گەورەکە: سەرۆکوەزیران بارزانی، سەردانی هەڵەبجەی کرد، بەردی بناغەی سایلۆیەکی لە هەڵەبجە دانا وگوێی لە خەڵکی دەڤەرەکە گرت و سەردانی هاوینەهەواری ئەحمەدئاوای لە دەڤەری هەورامان کرد.
باکگراوند: دەڤەری هەورامان یەکێکە لە ناوچە بەپیت و گرنگەکانی کوردستان کە لە بواری گەشت و گوزار و بەرهەمی ناوخۆییەوە ڕۆڵێکی گرنگی هەیە لە بووژاندنەوەی ژێرخانی ئابووری وڵات.
درێژەی ڕاپۆرت
سەرۆکوەزیران بارزانی لە زەڵم بوو
یەکێک لە ناوچە گرنگ و گەشتیارییەکانی کوردستان و پارێزگای هەڵەبجە و دەڤەری هەورامان، گوندی ئەحمەدئاوا و سەیرانگای بنی پەڵگە و گوندی زەڵم و سەیرانگەی زەڵم و سەرچاوەی ئاوی زەڵمە، کە یەکێکە لە تاڤگە دڵڕفێنەکانی کوردستان و ساڵانە هەزاران گەشتیار لە ناوەڕاست و خوارووی عێراق و ناوخۆی هەرێمی کوردستانەوە سەردانی دەکەن، سەرۆکوەزیران بارزانی لە سەیرانگەی زەڵم، کە تەنیا سەد مەترێک لە تاڤگەی زەڵمەوە دوورە لە ناو هاژەی ئاوی سازگاری زەڵم و دارگوێزە هەوربڕ و چنارە باڵا بەرز و دارپەڵگە تەمەن درێژەکاندا لەگەڵ خەڵکی دەڤەرەکە کۆبووەوە.
"ئێمە بۆ خەڵکین"
سەرۆکوەزیران بارزانی لە ناو ئاپۆڕای خەڵکی دەڤەرەکەدا، کە بە جلوبەری کوردی شاڵ، رانکوچۆخە، فەرەنجی و پەستەک و لەپکەوە پێشوازییان لێکرد، سەرۆکوەزیران گوتی:" بەخێرهاتنی هەمووتان دەکەم، زۆر خۆشحاڵم کە ئێرە دەبینم پێشتر بۆیان باسکردبووم کە ناوچەکەی زۆر دَلڕفێنە بەڵام کەبینیم لە راستیدا دەزانم چەندە جوانتر و ڕێکترە".
"بەڕوویەکی خۆشەوە لە ژیان بڕوانن"
سەرۆکوەزیران بارزانی گوتیشی:" ناوچەکەتان دڵگیرە و مادام ئێرەتان هەیە دەبێت هەمیشە بەزەوقێکی جوان و ڕوویەکی خۆشەوە سەیری ژیان بکەن، چونکە دەڤەرەکان دڵگیر و ئارامە.
"کوردستان هەمیشە ئاوەدان بێت"
سەرۆکوەزیران بارزانی لە درێژەی قسەکانیدا گوتی:"کوردستان هەمیشە ئاوەدان بێت و جارێکی دیکە دەڵێم خۆشحاڵم ئێوە دەبینم، بەیانی ئەمڕۆ چووینە هەڵەبجە و بەردی بناغەی سایلۆیەکی گرنگمان دانا، ئێستەش هاتووینەتە ئێرە و بۆ ئەوەی زیاتر حزمەتی ئێوە بکەین.
"جووتیاران خەمتان نەبێت"
جووتیاران و خاوەن باخ وکشتوکاڵکارانی ناوچەکە دڵنیا دەکەینەوە کە نابێت خەمی بەرهەمی ناوخۆیان هەبێت و حکومەت زۆر بەتامەزرۆییەوە خزمەتی خەڵکی دەکات و ئەرکی سەرشانی ئێمەیە داواکارییەکانتان جێبەجێبکەین، لە بری ئەوەی تنها یەک سەرچاوەمان بۆ داهات هەبێت ئێمە سەرچاوەکانی داهات فرە چەشن دەکەین و داهاتی خۆمان باشتر دەکەین، سەرۆکوەزیران بارزانی وای گوت.
“هەلی کار دروستدەکەین"
سەرۆکوەزیران بارزانی گوتیشی:" ئەرکی ئێمەیە هەلی کار بۆ خەڵک دروستبکەین و دەبێت خەڵکیش هاوکاربێت".
دروستکردنی هەلی کار، دوولایەنەیە، هەم دەبێت خەڵک خۆی هەوڵبدات وکاربکات و حکومەتیش دەبێت ئاسانکاری بکات، ئەوەی لەسەر شانی ئێمەیە دەبێت خزمەتی خەڵکی بکەین بەبێ جیاوای هاووڵاتیانیش دەبێت یارمەتیمان بدەن.
"حکومەتی خۆتانە"
"هەموو هەوڵێکم داوە حکومەتی هەموولایەک بێت و خەڵکیش لەلایەنی حکومەت بێت، نالێین حکومەت لەلایەک بێت وناشبێت خەڵک لەلایەک بێت، دەبێت هەموومان لە یەک لا بین، ئیشەڵا کوردستان هەر ئاوەدان دەبێت". سەرۆکوەزیران بارزانی وای گوت.
دەڤەری هەورامان لە چەند ناوچەیەکی دڵڕفێن پێکدێت، لە سنووری هەڵەبجە گەورەترین ناحییە هەبوو ئێستا بووە بە قەزا( خورماڵ) هەریەکە لە بیارە و تەوێڵە و گوندی گەورە و ناوچەی دڵڕفێن و لوتکە چیای بەرزی هەیە و خەڵکی لە دەڤەرەکەدا بە باخدارییەوە سەرقاڵن.
کوڵەباڵ بۆ سەرۆکوەزیران بارزانی
لەلایەن یەکێک لە دانیشتووانی دەڤەرەکەوە جووتێک کڵاشی سپی کە لە هەورامان پێی دەگوترێت "کڵاش مەرەز" جۆرێکی کوالیتی بەرزە و بەجوانترین شێوە و بە دەستی ژنی هەورامان دروستکراوە بەخشرایە سەرۆکوەزیران بارزانی .
ئەمین حاکی زەڵمی، خاوەن دووکانێکی دەڤەرەکەیە، یەکێکە لە کەسایەتییە چالاکەکانی دەڤەرەکە، تابلۆی منارەی دێرینی مزگەوتی گەورەی خورماڵی بەخشییە سەرۆکوەزیران بارزانی، ئەم منارەیە یەکێکە لە: مەختوتە” گرنگ و دێرینەکانی ناوچەکە.
کوڵەباڵ لەبەردەکات
لەلایەن خەڵکی دەڤەرەکەوە، کوڵەباڵێکی کوردی خۆمانە دەستکردی خەڵکی دەڤەرەکەیە بەخشرایە سەرۆکوەزیران بارزانی و ئەویش لەبەری کرد و چەندین وێنەی پێوەگرت، کوڵەباڵ لەلای خەڵکی دەڤەری هەورامان گرنگییەکی گەورەی هەیە، هەم بۆ هاوین ساردە و بۆ زستانیش گەرمە، یەکێکە لە نیشانە گرنگەکان کە خەڵکی دەڤەرەکەی پێ دەناسرێتەوە.
"ئاوی زەڵم دەخواتەوە"
سەرۆکوەزیران بارزانی لە ئاوی سازگاری چەمی زەڵم، ئاوی سازگار دەخواتەوە و لەلایەن خەڵکی ناوچەکەوە پێشوازییەکی گەرمی لێدەکرێت و 10 داواکاری پێشکەش دەکەن، ئەو داواکارییانەش تایبەتن بە کەرتی پەروەردە و ڕێگەو بان وەبەرهێنان و خاڵە سنورییەکان.
زیاتر لەسەر ئەم بابەتانە بکۆڵەرەوە
دوایین هەواڵەکان
- بزنس
- 5 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 6 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
هەڵبژاردەکان بۆ تۆ
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن
13 کاتژمێر لەمەوپێش
ئاڤا مۆڵەتی مافی مانەوەی بەهزاد خوسرەوی بڵاو دەکاتەوە
18 کاتژمێر لەمەوپێش
ژمارەیەک نووسەر و ڕووناکبیر نیگەرانیی خۆیان لە ڕووداوەکانی سلێمانی دەردەبڕن
19 کاتژمێر لەمەوپێش
تەنێکی نامۆ لە مووسڵ دەکەوێتە خوارەوە
7 ئەیلوول
خراپ بەکارهێنانی زیرەکی دەستکرد 10 تریلیۆن دۆلار زیان بە جیهان دەگەیێنێت
6 ئەیلوول
- ڕاپۆرت
- 13 کاتژمێر لەمەوپێش
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن