یۆنامی پێشوازی لە ڕاگەیاندنی وادەی هەڵبژاردنی پەرلەمانی كوردستان دەكات

ئاڤا نیوز

 

یۆنامی پێشوازی لە ڕاگەیاندنی وادەی هەڵبژاردنی پەرلەمانی كوردستان لەلایەن سەرۆكی هەرێمی كوردستانەوە دەكات.

 

وێنە گەورەکە: دوای چەندجارێک دواخستن، ئەمڕۆ چوارشەممە نێچیرڤان بارزانی، سەرۆکی هەرێمی کوردستان دوای گفتوگۆیەکی زۆر لەگەڵ سەرجەم لایەنەکان، پێنجەم مەرسوومی لەبارەی هەڵبژاردنی خولی شەشەمی پەرلەمانی کوردستان دەرکرد.

 

ڕاگەیێنراوی فەرمی: یۆنامی لە پلاتفۆتمی ئێکس نووسیویەتی: "پێشوازی لەو بڕیارە دەکەین کە لە 20ـی تشرینی یەکەمی 2024 وەک وادەی نوێ بۆ هەڵبژاردنی پەرلەمانی هەرێمی کوردستان دیاریکرا".

 

خاڵی ئەرێنی: ڕێککەوتی 20-10-2024 وەک ڕۆژی بەڕێوەچوونی هەڵبژاردنی پەرلەمانی کوردستان دیاری کرا، گوتەبێژی سەرۆکایەتیی هەرێمی کوردستانیش دەڵێت، هیچ گرفتێک لەبەردەم بەڕێوەچوونی پرۆسەکە نەماوە.