وەزیری بەرگریی ئیسرائیل و دەرەوەی ئەمریکا کۆ دەبنەوە

ئاڤا نیوز

 

بۆ قسەكردن لەسەر ئاڵۆزییەكانی باشووری لوبنان و هێرشە بەردەوامەكانی نێوان ئیسرائیل و حیزبوڵڵا، وەزیری بەرگری ئیسرائیل گەیشتە واشنتن.

 

وێنە گەورەكە: هەشت مانگە شەڕ و پێكدادانەكان لە نێوان ئیسرائیل و حیزبوڵڵای لوبناندا بەردەوامە و لە ماوەی سێ هەفتەی ڕابردوودا پێكدادانەكان زیاتر بوون، ئیسرائیل بۆ وەرگرتنی بۆچوونی ئەمریكا لە بارەی هێرشكردنە سەر باشووری لوبنان وەزیری بەرگری ناردووەتە ئەمریكا.

 

لێدوانی فەرمی: یۆواڤ گاڵانت، وەزیری بەرگری ئیسرائیل رایگەیاند: ڕووبەڕووی هەر دەستدرێژییەک دەبینەوە كە ڕوو لە وڵاتەكەمان دەكات، ئێستا لە لایەن حەماس و حزبوڵڵاوە هێرشی ڕاستەوخۆ بۆ سەر خاكی وڵاتەكەمان هەیە”.

 

ئەوەی پێویستە بیزانیت: ئەمڕۆ دووشەممە، هەرەیەكە لە وەزیری بەرگری ئیسرائیل و وەزیری دەرەوەی ئەمریكا كۆدەبنەوە و تاوتوێی هاوكارییە سەربازییەكان و پشتیوانییەكانی ئەمریكا بۆ ئیسرائیل دەكرێت.