16 کۆمپانیای میسری بەهۆی "فێڵکردن" لە حاجییان سزادەدرێن

ئاڤا نیوز 

بە بڕیاری سەرۆکوەزیرانی میسر، مۆڵەت لە 16 کۆمپانیای  گەشتیاری میسری وەرگیرایەوە بەهۆی ئەوەی بە ڤیزەی گەشتیاری حاجییەکانیان بۆ مەککە گواستووەتەوە.

وێنە گەورەكە: حکومەت گیانلەدستدانی بەشێک لە حاجییەکانی میسر لە سعودیە كە بۆ بەجێگەیاندنی فەریزەی حەج چووبوون، بۆ کەمتەرخەمی ئەو کۆمپانیایانە دەگەڕێنێتەوە.

بڵاوکراوەی فەرمی: ئەنجوومەنی وەزیرانی میسر ڕایگەیاند: ئەو 16 کۆمپانیایەی مۆڵەتەکانیان لێوەرگیراوەتەوە، دوای ئەوەی حاجییەکانیان بەشێوەیەکی نایاسایی و بەبێ ئەوەی هیچ خزمەتگوزاریەکیان پێشکەش بكەن گواستووەتەوە.

ئەوەی پێویستە بیزانیت: ئەنجوومەنی وەزیرانی میسر ئاماژەی بەوە کردووە، کۆی ژمارەی حاجییانی میسر 50 هەزار بووە، لەنێویاندا 31 حاجی بەهۆی نەخۆشی درێژخایەنەوە گیانیان لەدەستداوە.