ئەمریکا سێ بەلەمی حووسییەکان تێکدەشکێنێت

ئاڤا نیوز

ئەمریکا لە 24 کاتژمێری ڕابردوو، سێ بەلەمی بێسەرنشینی حووسییەکانی یەمەنی لە دەریای سوور تێک شکاندووە. 

ڕاگەیێنراوی فەرمی: فەرماندەیی ناوەندیی هێزەکانی ئەمریکا (سێنتکۆم) ڕایگەیاند "بەلەمە بێسەرنشینەکان هەڕەشە بوون لە سەر کەشتییەکانی ئەمریکا، هێزەکانی هاوپەیمانان و بازرگانیی ناوچەکە. بۆ بەرگریکردن لە ئازادیی دەریاوانی و ئاسایشی ئاوە نێودەوڵەتییەکان و کەشتییە بازرگانییەکان، هەر سێ کەشتییەکە تێک شکێنراون."

 

زانیاریی زیاتر: سێنتکۆم ئەوەشی گوتووە لە کاتێکدا حووسییەکان دەڵێن بۆ بەرگریکردن لە خەڵکی غەززە ئەم هێرشانە دەکەن، بەڵام هێرشەکانیان گیانی خەڵکی مەدەنی دەخەنە مەترسییەوە.

 

ئەوەی پێویستە بیزانیت: حووسییەکان بەشێکی زۆری یەمەنیان لەدەستە و ئێران پاڵپشتییان دەکات.