لە هێرشێکی ئیسرائیلدا بۆ سەر غەززە 42 کەس کوژران

ئاڤا نیوز 

ئیسرائیل ناوچەیەک لە باکووری کەرتی غەززە دەکاتە ئامانج و بە هۆیەوە زیاتر لە 42 کەس کوژران.

 

چیرۆکی سەرەکی: هێرشێک کراوەتە سەر ژمارەیەک خانووی نیشتەجێبوون لە ناوچەی شاتی کە پەناگەی ژمارەیەک ئاوارەی فەلەستینی بووە و بە هۆیەوە 24 کەس کوژراون؛ هێرشێکی دیکەش کراوەتە سەر خانووەکانی گەڕەکی توفاح و بە هۆیەوە 18 کەس کوژراون.

 

ڕاگەیێنراوی فەرمی: سوپای ئیسرائیل ڕایگەیاند هێرشەکە بە "فڕۆکەی جەنگی" ئەنجام دراوە و کراوەتە سەر "دوو ژێرخانی سەربازیی حەماس".

 

بۆچوونی لایەنی بەرامبەر: حەماس دەڵێت خەڵکی سڤیل کراونەتە ئامانج و هەڕەشەی ئەوەی کردووە کە "داگیرکەر و سەرکردە نازییەکانی باجی پێشێلکارییەکان لە دژی گەلەکەمان دەدەن."

 

زانیاریی زیاتر: لە سەرەتای شەڕەوە زیاتر لە 37 هەزار و 400 کەس لە غەززە کوژراون کە لەم ژمارەیە 101 کەسیان لە 24 کاتژمێری ڕابردوودا بوونەتە قوربانی.