گرافیکی ئاڤا نیوز
ئاڤا نیوز
ئەمساڵ جیاواز لە ساڵانی ڕابردوو، ژمارەیەکی زۆر لە حاجییانی هەرێمی کوردستان گیانیان لەدەستدا، کە زۆربەیان ئەوانەبوون بە ڤیزای ساڵ گەشتی سعودیەیان کردبوو و ئەمەش بۆ چەند هۆکارێک دەگەڕێتەوە.
وێنە گەورەکە: ژمارەیەکی زۆر لەو کەسانەی بە مەبەستی بەجێهێنانی فەریزەی حەج سەردانی سعودیەیان کردبوو ، تووشی گرفتی مەرج و ڕێکارەکان بوون و ئاستەنگی زۆریان بۆ دروستبوو کە بووە هۆی گیانلەدەستدانی بەشێکیان.
ئەوەی پێویستە بیزانیت: حکومەتی سعودیە بەهیچ جۆرێک ئامادە نەبووە مامەڵە لەگەڵ ئەو سەردانکەرانە بکات کە بە ڤیزای ساڵ چوونەتە ئەو وڵاتە بۆ بەجێهێنانی فەریزەی حەج، جگە لەوەش ئەو حاجییانە هیچ جۆرە خزمەتگوزاریێکیان بۆ فەراهەم نەکرابوو لەلایەن کۆمپانیاکانەوە، بەپێچەوانەی ئەو حاجییانەی لەڕێگەی حکومەتەوە چوونەتە سعودیە.
درێژەی ڕاپۆرت...
ئەمساڵ زیاتر لە یەک ملیۆن و 800 هەزار حاجی لە وڵاتانی جیهانەوە بۆ بەجێگەیاندنی فەریزەی حەج سەردانی سعودیەیان کرد، لەو ژمارەیە چوار هەزار و 685 هاونیشتیمانیی هەرێمی کوردستان بوون كە لە ڕێگەی وەزارەتی ئەوقافەوە چوون، جگە لەوانەش 15 هەزاری دیکە بە ڤیزەی ساڵ بووە کە وڵاتی سعودیە بە "دەرچوو لە ڕێنماییەکان" ناوی دەبات.
ئاماری گیان لەدەستدانی حاجییانی هەرێمی کوردستان
هەر لەگەڵ چوونیان بۆ کێوی عەرەفە گیان لەدەستدان لەنێو حاجییان زیادیکرد و هاونیشتمانیان هەرێمی کوردستانیش بێبەش نەبوون بە تایبەت ئەوانەی بە ڤیزەی ساڵ بەشداری مەراسیمەکان بوون، بەپێی کۆتا ئامار 25 کەس لەوانەی هەرێمی کوردستان گیانیان لەدەستداوە کە 24 کەس لەوانە ڤیزای ساڵیان هەبووە، تەنیا یەک کەس لەوانە کە لەڕێگەی حکومەتەوە ڕۆیشتووەتە سعودیە گیانی لەدەستداوە، ئەمە جگە لەوەی ئۆتۆمبێلێکی حاجییانی ڤیزای گەشتیاری لەکاتی گەڕانەوەیان لە ڕومادی وەرگەڕا و چوار کەس گیانیان لەدەست دا و یەکێکی دیکەش بەسەختی برینداربوو.
"هۆشداریماندا و گوێیان لێنەگرتین"
"ساڵی ڕابردوو و ئەمساڵیش بەر لە ئەنجامدانی فەریزەی حەج ئاگاداریمان بڵاوکردەوە و هۆشداریمان بە خەڵکدا خۆیان لەم جۆرە ڤیزایە بە دووربگرن، چونکە پێچەوانەی ڕێنمایەکانی سعودیەیە، بەڵام گوێیان لێنەگرتین و بەوە تۆمەتبارکراین کە بۆ مەرامی دیکە ئەمە بڵاودەکەینەوە". کاروان ستوونی، گوتەبێژی بەڕێوەبەرایەتیی گشتیی حەج و عومرەی هەرێمی کوردستان ئەمەی بە ئاڤا نیوز گوت.
هەموو جۆرە خزمەتگوزارییەک بۆ حاجییانی مۆڵەتدار دابینکراوە
ئەو حاجییانەی لەڕێگەی حکومەتەوە ڕۆشتبوون، لە هوتێلی بە خزمەتگوزاری دەمانەوە و بە ئۆتۆمبێل بۆ عەرەفە گوازراونەتەوە و چەند خولەکێک بەپێ ڕۆیشتوون، بە بەردەوامی لیژنەی پزیشکی لەگەڵ حاجییەکاندابووە و 21 پزیشک و پەرستار چارەسەرییان پێداون و پشکنینیان بۆ کردوون، دەرمان و پێداویستی پزیشیکی بێبەرامبەر بۆ دابینکراوە، ئەمە جگە لە پێدانی خێمە بۆ مانەوە و حەوانەوەیان.
ئەوانەی بە ڤیزای ساڵ ڕۆیشتبوون بێ خزمەتگوزاری بوون
کۆچەر عەلی مەنتک، یەکێک لە ڕێنماییکەرانی حاجییانی ڤیزای ساڵ بە ئاڤا نیوزی گوت:" بەهۆی ئەوەی سعودیە مامەڵەیان لەگەڵدا نەدەکرد ئەوانەی بە ڤیزەی ساڵ ڕۆیشتبوون، لەکاتی بەجێهێنانی ئەرکەکانیاندا بێ خێمە، بێ خزمەتگوزاری پزیشکی و چاودێری بوون و بەهانەوەچوونیان زۆر کەم دەبینرا لەلایەن تیمە پزیشکییەکانی حکومەتی سعودیەوە، "کۆمپانیاکانیش خزمەتگوزارییان بۆ حاجییەکانیان دابین نەکردبوو و بەشێکیان هەر تەلەفۆنی حاجییەکانیشیان وەڵام نەدەدایەوە".
تێچووی حاجییان
ئەو حاجییانەی لە ڕێگەی حکومەتی هەرێمی کوردستانەوە ڕۆیشتبوون، تێچوویان بۆ ڕێگە وشکانییەکە سێ هەزار و 600 دۆلار و لەڕێگەی ئاسمانیشتەوە چوار هەزار و 400 دۆلار بوو، لە بەرامبەردا حاجییانی ڤیزای ساڵ هەموویان بە ڕێگەی وشکانی ڕۆیشتوون و لە دوو هەزار و 500 دۆلار تاوەکو حەوت هەزار دۆلار تێچوویان بووە.
جیاوازی خزمەتگوزاری ڤیزای ساڵ و ئەوانەی لەڕێگەی حکومەتەوە چوون
دوایین هەواڵەکان
- بزنس
- 5 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 6 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
هەڵبژاردەکان بۆ تۆ
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن
13 کاتژمێر لەمەوپێش
ئاڤا مۆڵەتی مافی مانەوەی بەهزاد خوسرەوی بڵاو دەکاتەوە
18 کاتژمێر لەمەوپێش
ژمارەیەک نووسەر و ڕووناکبیر نیگەرانیی خۆیان لە ڕووداوەکانی سلێمانی دەردەبڕن
19 کاتژمێر لەمەوپێش
تەنێکی نامۆ لە مووسڵ دەکەوێتە خوارەوە
7 ئەیلوول
خراپ بەکارهێنانی زیرەکی دەستکرد 10 تریلیۆن دۆلار زیان بە جیهان دەگەیێنێت
6 ئەیلوول
- ڕاپۆرت
- 13 کاتژمێر لەمەوپێش
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن