وەزیرێکی تونس بەهۆی"مردنی حاجییەکان" دووردەخرێتەوە

ئاڤا نیوز 

بەهۆی گیانلەدەستدانی 49 حاجی تونس لەکاتی حەجی ئەمساڵدا، سەرۆککۆماری تونس، وەزیری کاروباری ئایینی وڵاتەكە لە پۆستەکەی دووردەخاتەوە.

ڕاگەیێنراوی فەرمی: قەیس سەعید، سەرۆککۆماری تونس کۆتایی بە ئەرکەکانی ئیبراهیم شائبی، وەک وەزیری کاروباری ئایینی تونس هێنا. 

لێدوانی فەرمی: شەئیبی لەگەڵ گەیشتنی یەکەم فڕۆکەی گەڕانەوەی حاجییان بۆ تونس ڕایگەیاند: ژمارەی ئەو حاجییە تونسییانەی لە سعودیە گیانیان لەدەستداوە بۆ 49 کەس بەرزبووەتەوە.

زانیاریی زیاتر: دەزانین کەموو کوڕی هەبووە، هەوڵ دەدەین لەسەر ئاستی وەزارەت چارەسەری بکەین. شەئیبی وای گوت.

ئەوەی پێویستە بیزانیت: ڕۆژی سێشەممەی ڕابردوو، وەزارەتی دەرەوەی تونس هۆکاری گیانلەدەستدانی حاجییەکانی بۆ بەرزی پلەی گەرمای شاری مەککە و زۆری ژمارەی ئەو حاجییانەی کە بە ڤیزەی گەشتیاری و بەشێوەیەکی نایاسایی سەردانی مەککەیان کردووە، گەڕاندەوە.

وێنە گەورەکە: ئەمساڵ زیاتر لە یەک ملیۆن و 800 هەزار حاجی لە وڵاتانی جیهانەوە بۆ بەجێگەیاندنی فەریزەی حەج سەردانی سعودیەیان کردووە.