هەناردەی نەوتی عێراق بەشێوەیەکی بەرچاو دابەزیوە

ئاڤا نیوز

 

بەپێی داتاکانی دامەزراوەیەکی عێراقی، هەناردەی نەوتی عێراق لە سێیەکی یەکەمی ئەمساڵ بەراورد بە هەمان کات لە ساڵی ڕابردوو بە ڕێژەی 30٪ دابەزیوە.

 

داتای فەرمی: بەپێی ئەو داتایەی مەنار عوبەیدی، سەرۆکی دامەزراوەی عێراقی ئاییندە بۆ توێژینەوە و ڕاوێژکاری ئابووری بڵاویکردووەتەوە، عێراق لە سێیەکی یەکەمی ساڵی 2024دا بە کۆی گشتی ڕۆژانە 20.5 ملیۆن بەرمیل بە بەهای 1.6 ملیار دۆلاری هەناردە کردووە، بە تێکڕای نرخی هەر بەرمیلێک گەیشتووەتە 78.17 دۆلار.

 

زانیاریی زیاتر: بەراورد بە هەمان ماوە لە ساڵی 2023، ڕۆژانە 29.35 ملیۆن بەرمیلی بە بەهای 2.18 ملیار دۆلار هەناردە کردووە، تێکڕای نرخی هەر بەرمیلێکیش 74.15 دۆلار بووە، ئەمەش واتە کەمبوونەوەی بڕەکە بە ڕێژەی 30% و بەهاکەشی بە ڕێژەی 26.3%.

 

لەلایەکی دیکە: هەناردەی نەوتی عێراق بۆ ئەمریکا لە سێیەکی یەکەمی ئەمساڵدا بەشێوەیەکی بەرچاو کەمی کردووە، بە جۆرێک ڕۆژانە گەیشتووەتە 170 هەزار بەرمیل، بەڵام لە هەمان ماوەی ساڵی 2023دا 250 هەزار بەرمیل بووە.