عێراق لێدوانەکانی جاکۆبسۆن بە دەستوەردان لە کاروبارەکانی دەزانێت

ئاڤا نیوز  

حکومەتی عێراق لێدوانەکانی بەربژێری باڵیۆزی نوێی ئەمریکا لە وڵاتەکەی ڕەتدەکاتەوە، بە دەستوەردان لە کاروبارەکانی دەزانێت.

ئەوەی پێویستە بیزانیت: تریسی جاکۆبسۆن لە پەیامێکدا ڕایگەیاندبوو: "حکومەتی عێراق توانای ئەوەی هەیە خزمەتگوزاریی پێشکەش بە گەلەکەی بکات و ئەمەش کاریگەری لەسەر کەمکردنەوەی هەژموونی ئەو میلیشیایانە دەبێت کە هاوپەیمانی ئێرانن و مەترسییەکی گەورەیان بۆسەر ئاییندەی وڵات دروستکردووە".

ڕاگەیێنراوی فەرمی: خالد یەعقووبی، ڕاوێژکاری سەرۆکوەزیرانی عێراق بۆ کاروباری ئاسایش تۆڕی ئێكس نووسیویەتی: " گوێمان لە گوتەکانی بەربژێری پۆستی باڵیۆزی ئەمریکا لە عێراق بوو، کە بریتی بوو لە تێنەگەیشتنێکی ئاشکرا لە عێراقی نوێ و دەستوەردان لە کاروباری ناوخۆی وڵاتەکە و سووکایەتیکردن بە دراوسێکانی".

زانیاریی زیاتر: "لەسەری پێویستە ئاگاداری ئەو ڕاستییە ڕوونە بێت کە هەندێک لەو شتانەی لەبارەیەوە قسەی لەسەر کردووە، لەگەڵ ئەرکەکانی و کارە نوێیەکەیدا ناگونجێت".