دەستەی دەستپاکی گەندەڵی کەسێکی نزیکی پارێزگاری کەرکووک ئاشکرا دەکات

ئاڤا نیوز

دەستەی دەستپاکی عێراق ڕایگەیاند، تیمەکانیان توانیویانە گەندەڵی لەپێدانی دوو پارچە زەوی و بەهەدەردان لە جێبەجێکردنی دوو پڕۆژە بدۆزنەوە کە برازایەکی پاڕێزگاری کەرکووک ئەنجامیداوە.

وێنە گەورەکە: دەستەی دەستپاکی عێراق لەڕێگەی تیمەکانیان بەردەوام سەردانی وەزارەت و بەڕێوەبەرایەتییەکان دەکەن و پشکنین بۆ خەرجی و کاروبارەکانی ئەو فەرمانگانە دەکەن.

ڕاگەیێنراوی فەرمی: دەستەی دەستپاکی عێراق ڕایگەیاند: تیمەکانمان لە شارەوانی کەرکووک ئاشکرایان کردووە، بە گەندەڵی و دوور لە ڕێکاری یاسایی دوو پارچە زەوی دراوە بە برازایەکی پارێزگاری کەرکووک بۆ دروستکردنی قوتابخانەیەک و گۆڕەپانێکی یاری لە گوندێکی قەزای دووبز.

زانیاریی زیاتر: جگە لەوەی زیادەڕۆیی لە جێبەجێکردنی دوو پڕۆژە بە بەهای 400 ملیۆن دینار کراوە، پسوڵەی ساختەش دۆزراوەتەوە، جگە لەمە تیمەکەی دەستەی دەستپاکی لە تۆماری بەڕێوەبەرایەتی شارەوانی تێبینیان کردووە دوو موڵک بەناوی یەک کەس تۆمارکراوە.