دەرهێنەرێكێ كورد سینەمایێن ئەوروپی داگیركرینە

ئاڤا میدیا - هەولێر 

دەرهێنەرەكێ كورد بەربژێرە بۆ بدەستڤەئینانا خەلاتێ “ئەنسۆر” ل بەلجیكا كو ئێكە ژ مەزنترین خەلاتێن بوارێ سینەما و فیلمان. 

ئەڤسالە بۆ خەلاتێن ئەنسۆر، سەهیم عومەر خەلیفە، دەرهێنەرێ كورد ب دوو فیلمان پشكدارە و ئەگەرێن

بدەستڤەئینانا وان خەلاتان هەیە.

 

ئەنسۆر چییە؟

ئەنسۆر ئەكادیمیایەكا سینەماییە، ل ولاتێ بەلجیكا، وی خەلاتی ددەنە باشترین فیلمان و ب گرنگترین خەلاتێ بوارێ سینەمایا وی ولاتی دهێتە نیاسین. 

 

كورد و خەلاتێن ئەنسۆر

دوو فیلمێن كوردی بناڤێ) بەغدا و جوانیا ڤەشارتیا  عێراقێ (بۆ خەلاتێن  باشترین دەرهێنەر و باشترین بەلگە فیلم پشكدار بوونە، هەردوو فیلم ژلایێ سەهیم عومەر خەلیفە، دەرهێنەرێ كوردێ ئاكنجیێ دهۆكێ ڤە هاتینە چێكرن. 

ئەو بەربژێرە ژلایێ ئەندامێن لژنەیا دادوەری ڤە دهێنە هەلبژارتن، هژمارا وان نێزیكی دوو هزار ئەندامانە. 

ئەڤ خەلاتە ل رۆژا 3-2-2024، دێ هێنە دابەشكرن ل هۆلا كۆرسال ل باژێرێ ئۆستین یێ وڵاتێ بەلجیكا کو خولا ئێكێ یا وێ فێستیڤالێ ل سالا 2010 برێڤەچوو.

 

فیلم بەحسا چ دكەن؟

ئێكەم: "مێسیێ بەغدا"

ل كانونا ئێک یا سالا 2023 خەلاتێ باشترین ئەكتەرێ زەلام ل دەهەمین فیلمە فێستیڤالا نێڤدەولەتییا دهۆكێ بدەستڤەئینا.

هەروسا ل هەیڤا تشرینا دوویێ یا سالا 2023 سێ خەلاتێن سەرەكی ل 26مین فێستیڤالا نێڤدەولەتییا فیلمێ ئارپا ل هۆلیۆدا ئەمریكا بدەستڤەئینا. 

 

ئەڤە نویترین فیلمێ سینەمایی یێ سەهیم عومەر خلیفەیە. 
میسیێ بەغدا 60 خەلاتێن جیهانی بدەستڤەئینانە و
ل سالا 2022 وەكو فلمەکێ سینەمایی هاتە بەرهەمئینان. 

جوانیا ڤەشارتیا عێراقێ 
ئەڤ فیلمە بەحسا فۆتۆگرافەرێ عێراقی “لەتیف ئانی” دكەت

 

ئەڤ بەرهەمە كو وێنەیێ سەركردەیێن كورد لخۆ دگریت ژ وان ژی “مەلا مستەفا بارزانی و ئیدریس بارزانی و سەرۆك بارزانی” ژ ئالیێ لەتیف ڤە هاتیە گرتن کو ب بابێ هونەرێ فۆتۆگرافەریێ ل عێراق دهێتە نیاسین. 

ئەڤ بەرهەمە، ل سالا 2020 ل بەغدا و چەند دەڤەرێن كوردستانی هاتییە وێنەگرتن. 

سەهیم د پەیوەندیەكا تەلەفۆنی دا دگەل ئاڤا میدیا بەحسا رەوشا سینەمایا كوردی كر و گوت: "ئەم دلخۆشین ب وان بەرەڤ پێشچوونێن د  سینەمایا كوردی دا هەی و هیڤیدارم بشێین وان خەلاتان بدەسڤەبینین”. 

زانیارین تەمام لسەر وی دەرهێنەری
سەهیم عومەر خەلیفە
ل زاخۆ ژدایكبوویە و ل بەلجیکا دژیت
باوەڕنامەیا ماستەر ل بەلجیكا بدەستڤەئینایە
خودانێ چار كورتە فیلمایە
دوو فیلمێن درێژ هەنە
پتری 110 خەلات بدەستڤەئینانە
ئەندامێ لژنەیا ئۆسكارە