ئەمریکا لە 24 کاتژمێردا هەشت درۆنی حوسییەکان تێکدەشكێنێت

ئاڤا نیوز

ئەمریکا ڕایگەیاند لە ماوەی 24 کاتژمێری ڕابروودا، هەشت درۆنی حوسییەکانی یەمەنیان لە سەر ئاسمانی دەریای سوور تێکشکاندووە.

ڕاگەیێنراوی فەرمی: سوپای ئەمریکا ڕایگەیاند: درۆنەکان بە مەبەستی بەئامانجگرتنی کەشتییە بازرگانییەکانی دەریای سوور هەڵدرابوون و هەموویان خراونەتە خوارەوە. هاوکات ئاماژەی بەوەش داوە دوو بەلەمی بچووکی بێسەرنشینی حووسییەکانیشیان لەناوبردووە. 

لە لایەکی دیکەوە: کەشتییەکی هاوپەیمانان توانیویەتی مووشەکێکی بالیستیی دژە کەشتیی و درۆنێکی دیکە تێکبشکێنێت کە لە یەمەنەوە ئاراستەی کرابووە. 

باکگراوند: حوسییەکان لەلایەن ئێرانەوە پشتیوانی دەکرێن، بە پاساوی بەرگرییکردن لە فەلەستین لە دژی هێرشی ئیسرائیل بۆ سەر غەززە هێرش دەکەنە سەر کەشتییە بازرگانییەکانی دەریای سوور و کەنداوی عەدەن.