لینکدئین پاشەکشە بە ئێکس دەکات

ئاڤا نیوز

 

ژمارەی ئەو کۆمپانیایانەی کە واز لە ئێکس (توویتەری پێشوو) دێنن و ڕوو لە لینکدئین دەکەن، زیاتر بوون و هۆکارەکەشی بۆ گۆڕانکاری لە خاوەندارێتیی تۆرەکە دەگەڕێتەوە.

 

ئەوەی پێویستە بیزانیت: بەشێوەیەکی نەریتی کەسانی پڕۆفیشناڵ و ڕۆژنامەنووسان تویتەریان بەکارهێناوە، بەڵام لەوەتەی لە ساڵی 2022ـەوە ئیلۆن مەسک بووەتە خاوەنی کۆمپانیاکە، زیاتر ڕوو لە لینکدئین دەکەن. 

 

ژمارەکان وا دڵێن: بە گوێرەی ڕاپرسییەک کە 1116 کارمەندی پڕۆفیشناڵی پەیوەندییە گشتییەکان تیایدا بەشدار بوون و لە 4ـی نیسان تا 5ـی ئایاری ئەمساڵ ئەنجام دراوە، لینکدئین لە ئێکس، ئینستاگرام، فەیسبووک و تیکتۆک بە باشتر زانراوە. 61٪ـیان پلانیان هەیە زیاتر لە جاران سوود لە لینکدئین وەربگرن و هاوکات 15٪ پلانیان وایە فۆکەسی زیاتریان لەسەر ئێکس و 11٪ لە سەر فەیسبووک بێت.

 

زانیاریی زیاتر: لینکدئین بە پێشکەشکردنی خزمەتگوزاریی پەخشکردنی ڤیدیۆی کورتی هاوشێوەی تیکتۆک خوازیارە جگە لە کەسانی پڕۆفیشناڵ گەنجانیش بۆ لای خۆی ڕابکێشێت. هاوکات فەیسبووک دەیەوێت لەڕێگەی ڕیڵەوە کەسانی پڕۆفیشناڵی زیاتر بۆ پلاتفۆرمەکەی ڕابکێشێت.