![سەرۆکوەزیران بارزانی خەڵاتی شەرەفی خۆڕاگری دەبەخشێتە کچە کوردێکی ئێزدی](/_next/image?url=https%3A%2F%2Fassets.ava.news%2Fnews%2F7013%2FP6zd9d6RbO2AxC74daLF.jpg&w=3840&q=100)
شیرین خیرۆ و سەرۆکوەزیران بارزانی
ئاڤا نیوز
سەرۆکوەزیران بارزانی ڕایگەیاند، شیرین خەیرۆ خودێدا هێمای خۆڕاگرییە بۆ ئێزدییەکانی کەسوکارمان.
وێنە گەورەکە: ئەمڕۆ 2-6-2024 بە بەشداری سەرۆککۆماری عێراق، سەرۆکی هەرێمی کوردستان، سەرۆکوەزیران بارزانی و چەندین بەرپرسی باڵای حکومی و حزبی لە عێراق و هەرێمی کوردستان، ڕێوڕەسمی دەرچوونی قوتابیانی زانکۆی ئەمریکی کوردستان لە دهۆک بەڕێوەچوو.
لێدوانی فەرمی: سەرۆکوەزیران بارزانی ڕایگەیاند: خۆشحاڵم کە خەڵاتی شەرەفی خۆڕاگری بە شیرین خیرۆ خودێدا دەرچووی کارسازی زانکۆی ئەمریکی دەبەخشم، بەسەرهاتەکەی چیرۆکێکی کەم وێنەیە، سەرەڕای دەستبەسەری بۆ چەند ساڵێک لەلایەن داعشەوە، بەڵام سووربوو لەسەر بەردەوامبوونی لە خوێندن و بوو بە هێما و نیشانەی خۆڕاگری ئێزدییەکانی کەسوکارمان.
لە لایەکی دیکەوە: نێچیرڤان بارزانی، سەرۆکی هەرێمی کوردستان، ڕایگەیاند: یەکێک لە 60 دەرچووەکەی زانکۆی ئەمریکی کچێکی زیرەک و لێهاتووی ئێزدیی ڕزگاربووی دەستی داعشە، وێڕای هەموو نەهامەتییەکان کۆڵینەداوە و سوربووە لەسەر تەواوکردنی زانکۆ، ئەمەش چیرۆکی سەرکەوتن و ئیلهامبەخشە و چرایەکی هیوایە بۆ هەموو قوتابیانی دیکە.
ئەوەی پێویستە بیزانیت: شیرین خەیرۆ، یەکێکە لە قوتابییە دەرچووەکانی زانکۆی ئەمریکی کوردستان لە دهۆک، هاوکات یەکێکە لەو ڕفێنراوانەی دەستی داعش کە لەلایەن نووسینگەی ڕفێنراوانی ئێزدییەوە ڕزگار کراوە.
زانیاریی بەدەستهاتوو: لە 2014 تاوەکو ئێستا سێ هەزار و 576 کەس ڕزگارکراون، لەوانە هەزار و 208 ژن و 339 پیاو و باقی منداڵن بە هەردوو ڕەگەزەوە، بەپێی ئەو ئامارانەی بەردەستن دوو هەزار و 600 کەس ماون و هەوڵ و بەدواداچوونەکانمان بۆ ڕزگارکردنیان بەردەوامە. حوسێن قائیدی، بەرپرسی نووسینگەی ڕزگاربوانی ئێزدی وای گوت.
باکگراوند: ڕۆژی سێی ئابی 2014 داعش هێرشی کردە سەر شنگال، بەوهۆیەوە زیاتر لە پێنج هەزار کوردی ئێزدی کوژران و نزیکەی دوو هەزار و 745 منداڵ بێ دایک و باوک بوون، هاوکات زیاتر لە 325 هەزار ئێزدی ئاوارەبوون.
زانیاریی زیاتر: لە هێرشی داعش بۆ سەر شنگال شەش هەزار و 417 کوردی ئێزدی لەلایەن داعشەوە ڕفێنران.
دوایین هەواڵەکان
- بزنس
- 5 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 6 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
هەڵبژاردەکان بۆ تۆ
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن
13 کاتژمێر لەمەوپێش
ئاڤا مۆڵەتی مافی مانەوەی بەهزاد خوسرەوی بڵاو دەکاتەوە
18 کاتژمێر لەمەوپێش
ژمارەیەک نووسەر و ڕووناکبیر نیگەرانیی خۆیان لە ڕووداوەکانی سلێمانی دەردەبڕن
19 کاتژمێر لەمەوپێش
تەنێکی نامۆ لە مووسڵ دەکەوێتە خوارەوە
7 ئەیلوول
خراپ بەکارهێنانی زیرەکی دەستکرد 10 تریلیۆن دۆلار زیان بە جیهان دەگەیێنێت
6 ئەیلوول
- ڕاپۆرت
- 13 کاتژمێر لەمەوپێش
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن