تەمووزی ئەمساڵ کەمپی ئاشتی لە سلێمانی داده‌خرێت

ئاڤا نیوز

وەزارەتی کۆچ و کۆچبەرانی عێراق ، گەڕانەوەی 872 ئاوارەی لە کامپی ئاشتیی سلێمانییەوە بۆ سەر زێدی خۆیان لە شنگال و شارەدێی یەسریبی سەر بە پارێزگای سەڵاحەدین ڕاگەیاند.

لێدوانی فەرمی:  ئیڤان فایه‌ق، وەزیری كۆچ و كۆچبەرانی عێراق ، گەڕانەوەی 872 ئاوارەی لە دوایین كەمپەكانی شاری سلێمانی بۆ ناوچە ڕەسەنەكانی خۆیان ڕاگەیاند.

ئەوەی پێویستە بیزانیت: ئەو ئاوارانە ، بە بۆنەی گەڕانەوەیان وەک هاوکارییەک بڕی چوار ملیۆن دینار و چەند کەرەستەیەکی کارەبایی ناوماڵ وەك (شاشە پلازما ، تەباغ ، ساردكەرەوە) وەردەگرن.

وێنە گەورەكە:بڕیارە تا کۆتایی مانگی تەمووزی ئەمساڵ، سەرجەم کەمپی ئاوارەکان لە هەرێمی کوردستان دابخرێن و هەموو ئاوارەکان بگەڕێنەوە سەر زێدی خۆیان ، بۆ ئەو مەبەستەش وەزارەتی کۆچ و کۆچبەرانی عێراق ئامادەکاریی تەواوی کردووە و ئاوارەكان هاوکاری ماددی دەکرێن.