![کارگەی زۆم](/_next/image?url=https%3A%2F%2Fassets.ava.news%2Fnews%2F6796%2F2pbNBtM2XMzyRaJe1bVs.jpg&w=3840&q=100)
کارگەی زۆم
ئاڤا نیوز
ئەمڕۆ ساڵێک بەسەر کردنەوەی یەکێک لە دیارترین کارگە نێوخۆییەکان لە بواری بەرهەمە شیرەمەنییەکان تێدەپەڕێت و بڕیارە بەو بۆنەیەوە لەژێر چاودێری مەلا مستەفا بارزانی ڕێوڕەسمێک ڕێکبخرێت.
وێنە گەورەکە: بەهۆی پاڵپشتییەکانی حکومەت لە کەرتی وەبەرهێنان و هاندانی وەبەرهێنان لە هەرێمی کوردستان و پشتبەستن بە توانا ناوخۆییەکان و سوودوەگرتن لە بەرهەمی خۆماڵی، لە ساڵانی ڕابردوودا چەندین کارگەی تایبەت بە بەرهەمە ناوخۆییەکان کراونەتەوە.
بۆچی گرنگە: کردنەوەی ئەو کارگانە وادەکات ڕێژەی هاوردەکردن کەم ببێتەوە و بڕێکی کەمتری سەرمایەی ناوخۆ بۆ دەرەوە بڕوات، هاوکات هۆکارێکە بۆ بووژانەوەی ئابووریی وڵات و جووتیارانیش لەو ڕێگەوە بەرهەمەکانیان لە ناوخۆ ساغ بکەنەوە.
چیرۆکی سەرەکی: ساڵێک پێش لە ئێستا لە 30-05-2023 لەژێر چاودێری سەرۆکوەزیران بارزانی، مەلا مستەفا بارزانی و بەرپرسانی حکومی و کەسایەتیی سیاسی ناوخۆ و ناوچەکە کارگەیەک بۆ بەرهەمە شیرەمەنییەکان لەدەڤەری بارزان کرایەوە.
پێدراوە ڕاستییەکان: بەرهەمەکانی کارگەی زۆم 100% سروشتی و خۆماڵین و هیچ ماددەیەکی کیمیایی بۆ درێژکردنەوەی تەمەنی بەرهەم و گۆڕینی تام و ڕەنگی بەرهەمەکە زیاد ناکرێت و هاوکات ئەو ئاژەڵانەی سەرچاوەی شیری کارگەکەن، لە لەوەڕگەی سروشتی لەوەڕ دەکرێن.
کاریگەری و لێکەوتەکان: کارگەکە ڕۆڵی دەبێت لەوەی داهاتێکی بەردەوام بۆ گوندشینان و ئاژەڵداران لە ڕێگەی کڕینی شیری ئاژەڵەکانیانەوە دابین بکات، جگە لەوەش دەرفەتی کاری بۆ زیاتر لە 200 کارمەند ڕەخساندووە، هاوکات زیاتر لە دوو هەزار ئاژەڵدار و جووتیار لە ڕێگەی کڕینی شیری مانگاکانیان لەو پڕۆژەیە سوودمەندن.
ئەوەی پێویستە بیزانیت: بەهۆی بەرزیی کوالێتی بەرهەمەکانی لە ماوەی کەمتر لە ساڵێکدا کارگەی زۆم توانی لەسەر ئاستی عێراق خەڵاتی باشترین بەرهەمی عێراقی لە دووەمین کۆڕبەندی بازرگانی نیشتمانی عێراقی "INTF" بەدەست بهێنێت. ئەمە جیا لە بەدەستهێنانی سێ بڕوانامەی ئایزۆی نێودەوڵەتی لە بوارەکانی سیستمی بەڕێوەبردنی سەلامەتیی خۆراک، تەندروستی و سەلامەتىی پيشەيى و سیستمی بەڕێوەبردنی کوالێتی.
زانیاریی زیاتر: بڕیارە لە ڕێوڕەسمەکە هەریەک لە سەرۆکی دەستەی وەبەرهێنان، وەزیری کشتوکاڵ و سەرچاوەکانی ئاو، وەزیری گواستنە و گەیاندن، وەزیری تەندروستی و هەشت باڵیۆز و کۆنسوڵی وڵاتان و ژمارەیەک لە بەرپرسانی دیکەی حکومی و حیزبی ئامادەبن.
![ئاڤا دیجیتاڵ](/_next/image?url=https%3A%2F%2Fassets.ava.news%2Fauthors%2F9%2F4CrE5qivtwCkb2ERXvg4DhqDtPBHQlgUUwFDS5Gm.jpg&w=256&q=75)
ئاڤا دیجیتاڵ
Editor
دوایین هەواڵەکان
- بزنس
- 5 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 6 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
هەڵبژاردەکان بۆ تۆ
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن
13 کاتژمێر لەمەوپێش
ئاڤا مۆڵەتی مافی مانەوەی بەهزاد خوسرەوی بڵاو دەکاتەوە
18 کاتژمێر لەمەوپێش
ژمارەیەک نووسەر و ڕووناکبیر نیگەرانیی خۆیان لە ڕووداوەکانی سلێمانی دەردەبڕن
19 کاتژمێر لەمەوپێش
تەنێکی نامۆ لە مووسڵ دەکەوێتە خوارەوە
7 ئەیلوول
خراپ بەکارهێنانی زیرەکی دەستکرد 10 تریلیۆن دۆلار زیان بە جیهان دەگەیێنێت
6 ئەیلوول
- ڕاپۆرت
- 13 کاتژمێر لەمەوپێش
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن