![بۆچی ئیسرائیل هەڵوێستێکی تووندتری بەرامبەر ئیسپانیا گرتەبەر؟](/_next/image?url=https%3A%2F%2Fassets.ava.news%2Fnews%2F6712%2F3NgAw91VkdUnxYulcIZF.webp&w=3840&q=100)
ئاڵای فەلەستین، ئیسپانیا و ئیسرائیل
ئاڤا نیوز
هەرچەندە ئیسپانیا، ئیرلەندا و نەرویج هەموویان دانیان بە دەوڵەتێکی سەربەخۆی فەلەستیندا نا و چاوەڕوان دەکرا وڵاتانی ئەوروپاش، هەمان هەڵوێستیان هەبێت، بەڵام مامەڵەی ئیسرائیل بە تایبەتی لەگەڵ مەدرید تووندتر بوو.
چی ڕوویدا؟ڕۆژی دووشەممەی ڕابردوو، ئیسرائیل بڕیاریدا لە یەکی حوزەیرانەوە کونسوڵی لەو وڵاتە ڕابگرێت، لەکاتێکدا لەگەڵ دوو وڵاتەکەی دیکە هەمان هەنگاوی نەگرتەبەر.
ئەوەی پێویستە بیزانیت: ئیسرائیل هەڕەشەی لە نەرویج و ئێرلەندا دەکرد، بەڵام هەڵوێستی بەرامبەر ئیسپانیا جیاواز بوو، ئەمەش گرنگییەکی زیاتری پێدرا لەلایەن بەرپرسانی سیاسەتی دەرەوەی ئیسرائیل کە هەڕەشەی گرتنەبەری ڕێوشوێنی تووندیان لە دژی ئیسپانیا دەکرد.
بۆچی ئیسرائیل هەڵوێستێکی تووندتری بەرامبەر ئیسپانیا گرتەبەر؟
- ئیسپانیا لە ڕووی جەماوەری و سیاسییەوە، پشتیوانی لە فەلەستین و فەلەستینییەکان دەکات.
- لە دوای دەستپێکردنی هێرشەکانی ئیسرائیل بۆ سەر کەرتی غەززە، ژمارەی ئەو ئیسپانییانەی کە پشتیوانی لە چارەسەری دوو دەوڵەت دەکەن، لە مانگی نیساندا بۆ 60% بەرزبووەتەوە، لەکاتێکدا لە ساڵی 2021دا %40 بووە، ئەمەش بەپێی ڕاپرسییەک کە پەیمانگەی ڕۆیاڵ ئێلکانۆی ئیسپانیا بۆ لێکۆڵینەوە نێودەوڵەتی و ستراتیژییەکان کراوە.
- سیاسەتی ئیسپانیا بۆ پشتیوانی لە پرسی فەلەستین دوای ڕووداوەکانی حەوتی ئۆکتۆبەر چڕتر بووەوە، لەژێر فشاری "تۆڕی هاودەنگی دژی داگیرکاری فەلەستین" کە زیاتر لە 40 ڕێکخراوی کۆمەڵایەتی و بزووتنەوەی جەماوەری لەخۆ دەگرێت.
- ئەو تۆڕە سەرکردایەتیی ناڕەزایەتیی جەماوەری کرد کە لە زۆرینەی شارەکانی ئیسپانیا ڕێکخرا، ڕای گشتیی بەهێزی پێکهێنا کە داوای پچڕانی تەواوەتی پەیوەندییەکانی لەگەڵ ئیسرائیل و قەدەغەکردنی ناردنی چەک بۆ ئەو وڵاتە دەکرد.
- ئیسپانیا لەو وڵاتە ئەوروپیانە جیا دەبێتەوە کە پشتیوانی لە ئیسرائیل دەکەن.
- حکومەتی ئیسپانیا ڕۆڵی وڵاتێکی پێشەنگ دەگێڕێت لە سیاسەتی یەکێتیی ئەوروپا و کار دەکات بۆ گۆڕینی هەڵوێستە دەرەکییەکان، ئەمەش وایکردووە ئیسرائیل بترسێت.
- لێدوانەکانی ئیسپانیا زۆر تووند بوون بەرامبەر بە ئیسرائیل و یۆلاندا دیاز، وەزیری کاری ئیسپانیان کە داوای "رزگارکردنی فەلەستین لە ڕووبارەوە بۆ دەریا" دەکرد، ئەمەش بە شێوەیەکی ناڕاستەوخۆ بە واتای کۆتاییهێنان بوو بە دەوڵەتی ئیسرائیل.
دوایین هەواڵەکان
- بزنس
- 5 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 6 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
هەڵبژاردەکان بۆ تۆ
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن
13 کاتژمێر لەمەوپێش
ئاڤا مۆڵەتی مافی مانەوەی بەهزاد خوسرەوی بڵاو دەکاتەوە
18 کاتژمێر لەمەوپێش
ژمارەیەک نووسەر و ڕووناکبیر نیگەرانیی خۆیان لە ڕووداوەکانی سلێمانی دەردەبڕن
19 کاتژمێر لەمەوپێش
تەنێکی نامۆ لە مووسڵ دەکەوێتە خوارەوە
7 ئەیلوول
خراپ بەکارهێنانی زیرەکی دەستکرد 10 تریلیۆن دۆلار زیان بە جیهان دەگەیێنێت
6 ئەیلوول
- ڕاپۆرت
- 13 کاتژمێر لەمەوپێش
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن