دانیشتووانی گەڕەکی نەورۆز لە کەرکووک داوای یەکهەڵوێستیی لایەنە کوردییەکان دەکەن

ئاڤا دیجیتاڵ

ئەمرۆ  30 رۆژ  بەسەر مانگرتنی دانیشتووانی گەڕەکی نەورۆز لەشاری کەرکووک تێدەپەرێت، كوردانی گەڕەكی نەورۆز دەڵێن كاری باش كراوە بۆ دۆسیەی خانووەكانیان، بەڵام داوا لەلایەنە كوردییەكان دەكەن یەكهەڵوێست بن. 

 

وێنە گەورەکە: کوردانی دانیشتووی گەڕەکی نەورۆز زیاتر لە 30 ڕۆژە دژی دەستبەسەرداگرتنی خانووەکانیان لەلایەن سوپای عێراقەوە مانیان گرتووە و داوای خانووەکانیان دەکەنەوە و پێیانوایە تاوەکو ئێستا کاری باش بۆ ئەو دۆسیەیە کراوە. 

چیرۆکی سەرەکی: لەپاش نوێژی هەینی لەژێر خێوەتی ناڕەزایەتیدا کوردانی گەڕەکی نەورۆز لە کۆنگرەیەکی رۆژنامەوانیدا ئاماژەیان بەوە دا تاوەکو ئێستا کاری باش بۆ دۆسیەی خانووەکانی گەرەکی نەورۆز کراوە .

لێدوانی فەرمی: مەلا فەرمان، نوێنەری دانیشتووانی گەڕەکی نەورۆز لە کۆنگرەیەکی ڕۆژنامەوانیدا ڕایگەیاند: وەکو دانیشتووانی گەڕەکی نەورۆز داواکارین لەو لایەنە  کوردییانەی سەرکەوتوو بوون بۆ ئەنجوومەنی پارێزگای کەرکووک  یەکڕیزبن تاوەکو بتوانن بەشێوەیەکی باشتر  داکۆکی لەمافە ڕەواکانی نەتەوەکەمان بکەن، پارتی دیموکراتی کوردستان و یەکێتی نیشتمانی کوردستان لە 01ـی شوباتدا پێکەوە خوێنیان ڕشت و پێکەوە شەهیدیان دا، ئێستا کاتی پێکهێنانی حکومەتی خۆجێیی کەرکووکە".

 

داواکاری: دانیشتووانی گەڕەکی نەورۆز داوا لە لایەنە كوردییەكان دەکەن، "بەپەلە شاندێکی هاوبەش بۆ دانوستان لەگەڵ عەرەب و تورکمان  پێکبهێنن و هەر لایەنێكیان بەتەنیا دانوستان بكات".