ئاڤا دیجیتاڵ
له هه‌رێمی كوردستان زۆرێک له شۆفێران به‌هۆی گرانی و بێ كوالێتیی به‌نزین و كه‌مكردنه‌وه‌ی خه‌رجییه‌كانی، هانا بۆ دانانی سیستەمی غاز ده‌به‌ن بۆ ئۆتۆمبێلەکانیان، شارەزایەكیش ڕێنوێنی شۆفێران دەكات " سیستەمی غازی ئێرانی بۆ ئۆتۆمبێلەکانیان نەبەستن".
بۆچی گرنگە: لە هەرێمی کوردستان زۆربەی شۆفێران بە هۆکاری جیاواز سیستەمی غاز بۆ ئۆتۆمبێلەکانیان دادەنێن، شارەزایەکی ئەم بوارەش دەڵێت "جۆری زۆرە و هەریەکەیان کوالێتییەکی دیاریکراوی هەیە لە باش و خراپ پێکهاتووە، بەڵام لەنێویاندا جۆری ئێرانییەکەی هەیە مەترسییەکی گەورە بۆ سەر گیانی شۆفێران دروست دەکات ئەگەر بیبەستن، چونکە خراپترین جۆری سیستەمە".
ئەوەی لەوبارەیەوە دەگوترێت: سه‌رهه‌د خالید، شاره‌زای بواری به‌ستنی سیستەمی غاز بۆ ئۆتۆمبێل، بۆ ئاڤا میدیا گوتی "سیستمی غاز ''LPG'' هاوشێوه‌ی به‌نزین، بریتییه له دابینكردنی سووتێنه‌ر بۆ ژووری سووتانی بزوێنه‌ر كه پێكهاته‌یه‌كی كیمیایی هایدرۆجین و كاربۆنه، له‌ڕێگەی ئاگری پلاكه‌كانه‌وه كرداری سووتان و ته‌قینه‌وه دروست ده‌بێت و پستۆنه‌كان لە كاردەخات و هێز دروست ده‌بێت بۆ جووڵه.
''به‌گشتی سێ جۆری سه‌ره‌كی سیستەمی غاز هه‌یه له هه‌رێمی كوردستان ، ئیتاڵی، توركی و ئێرانی له نێویاندا ئیتاڵی له هه‌موویان باشتر و ستاندارد تره، ئینجا توركییه‌كه و ئێرانییه‌كه هه‌یه كه سیستمێكی خراپه و بێسه‌روبه‌ره''. سه‌رهه‌د وای گوت.
زانیاری زیاتر: "له ماوه‌ی كاركردنم دا هیچ كاتێك نه‌بووه و نه‌مبیستووه سیستەمێكی ئیتاڵی و توركی كێشه‌یان هه‌بووبێت و ته‌قیبێتن، بۆیه ئه‌گه‌ر كۆمپانیایه‌ك به‌شێوه‌یه‌كی شاره‌زایانه و كه‌سانی پسپۆڕی بواره‌كه كاریان تێدا كرد، ده‌توانم بڵێم 90% سه‌ركه‌وتوو ده‌بێت، به‌ڵام به پێچه‌وانه‌وه بێ ستاندارد و كه‌سێك بۆت بكات كه هیچ شاره‌زاییه‌كی نه‌بێت، ئه‌وا مه‌ترسیی هه‌یه".
" سیستەمی غاز به‌شێوازی ئیتاڵی و توركی، پەیوه‌ندیدار ده‌كرێن به عه‌قڵی ئۆتۆمبێل كه به‌شێوازێكی زانستیی رێكوپێك بچێته ژووری سووتان، به‌ڵام ئێرانییه‌كه‌ی وا نییه و به‌شێوه‌یه‌كی هه‌ڕه‌مه‌كی ده‌پڕژێت، به‌مه‌ش سه‌ركه‌وتوو نییه و باش نییه به‌كار بهێنرێت، بۆیە هۆشیاریی دەدەم بە هیچ شێوەیەک سیستمی غازی جۆری ئێرانیی بەکارنەهێنرێت".
لەلایەکی دیکەوە: وه‌ك له رێنوێنییه‌كانی وه‌زاره‌تی ناوخۆدا هاتووه، پێویسته ئه‌و شوێنه‌ی سیستەمی غاز بۆ ئۆتۆمبێل داده‌نێت، كۆمپانیایه‌كی تۆماركراو بێت له وه‌زاره‌تی ناوخۆ و ته‌نیا كاری بریتی بێت له دانانی سیستمی LPG بۆ ئۆتۆمبێل.
هاوكات وه‌زاره‌ته‌كه بڕیاری پێكهێنانی لیژنه‌یه‌كی له هه‌ر چوار پارێزگاكه‌ی ده‌ركردووه بۆ چاودێریكردنی شوێنه‌كان، بۆیه ئەو شاره‌زایه گوتی "دانانی ئه‌م سیستەمه له شوێنێك كه جێی متمانه بێت، باشتره وه‌ك هه‌ر شوێنێكی ئاسایی و بێسه‌روبه‌ره".
زیاتر لەسەر ئەم بابەتانە بکۆڵەرەوە
ئاڤا دیجیتاڵ
Editor
دوایین هەواڵەکان
- کوردستان
- 4 کاتژمێر لەمەوپێش
پێنج بەربژێری دیکە لەلایەن کۆمیسیۆن دووردەخرێنەوە
- عێراق
- 4 کاتژمێر لەمەوپێش
دادگای فیدراڵی دەستەی میدیا و پەیوەندییەکانی خستە ژێر دەسەڵاتی پەرلەمان
- بزنس
- 5 کاتژمێر لەمەوپێش
بایۆمەتریی مووچەی مامۆستایانی گرێبەست دەستپێدەكات
- بزنس
- 5 کاتژمێر لەمەوپێش
دەنگۆی هاوردەكردنی تەماتە بەنهێنی بۆ هەرێمی كوردستان ڕەتدەكرێتەوە
هەڵبژاردەکان بۆ تۆ
ڕەسووکە دەچێتە گوندی سرێشمەی باڵەکایەتی
6 کاتژمێر لەمەوپێش
ڕواندز و بیارە پێشبڕکێ بۆ بوون بە خۆشترین گوندی گەشتیاریی جیهان دەکەن
8 کاتژمێر لەمەوپێش
کاتی دابەشکردنی مووچە لە کوردستان و عێراق یەکدەخرێت
10 کاتژمێر لەمەوپێش
نهێنیی تەقینەوەی بێتەلەکانی حیزبوڵڵای لوبنان ئاشکرا دەبێت
17 ئەیلوول
پەیجەر چییە و بۆچی چەكدارانی حیزبوڵڵا بەكاریدەهێنن؟
17 ئەیلوول
