![نرخی ماسی بەهۆی کەمیی بەرهەم و قەدەغەکردنی ڕاوەوە بەرز دەبێتەوە](/_next/image?url=https%3A%2F%2Fassets.ava.news%2Fnews%2F6580%2FeD7eUlul90gGQgnLAZbC.jpg&w=3840&q=100)
دوو ڕاوچی ماسی. وێنە: محەممەد شوانی- ئاڤا
ئاڤا نیوز
بەڕێوەبەری سامانی ماسی لە وەزارەتی کشتوکاڵ ڕایدەگەیێنێت، ژمارەی پرۆژە بێ مۆڵەتەکان ماسی زیاترن لە مۆڵەت پێدراوەکان.
لێدوانی فەرمی: بێستون بەکر، بەڕێوەبەری سامانی ماسی بە ئاڤا نیوزی ڕاگەیاند: بەرهەمی ناوخۆ بەشی پێداویستیی بازاڕ ناکات و ئێستاش وەرزی زاوزێی ماسییە و ڕاوکردن قەدەغەیە، بۆیە لە شارەکانی باشوور و ناوەڕاستی عێراق ماسی هاوردە دەکرێت.
زیاتر چ جۆرە ماسییەک دەخورێت؟
لە سەرانسەری عێراق زیاتر ماسی جۆری (کارب) خواستی لەسەرە، نرخەکانیشی بۆ یەک کیلۆ لە 10 هەزار دینارەوە دەست پێدەکات.
هۆکاری گرانی نرخی ماسی چییە؟
بەرهەمی ناوخۆیی بەشی پێداویستیی بازاڕ ناکات، بەتایبەت ئێستا وەرزی زاوزێی ماسییە و ڕاوکردن قەدەغەیە، بۆیە لە شارەکانی باشوور و ناوەڕاستی عێراق ماسی هاوردەی هەرێمی کوردستان دەکرێت؛ هۆکارێکی دیکەش گرانیی نرخی ئالیک و جۆری ئالیکە، چونکە ماسی پێویستی بەو جۆرە ئالیکەیە کە ڕێژەی پرۆتین تێدا 25% بۆ 28%ـە، ئەم جۆرەش بە پێی تەمەنی ماسییەکە دەگۆڕێت.
چەند پرۆژەی ماسی مۆڵەتپێدراو لە هەرێمی کوردستان هەن؟
لە هەرێمی کوردستان تەنیا 415 پرۆژەی ماسی مۆڵەتپێدراو و تۆمارکراو هەن.
چەند پرۆژەی ماسی بێ مۆڵەت هەیە؟
پرۆژەی ماسی بێ مۆڵەت لە هەرێمی کوردستان ئێجگار زۆرە، بەڵام ژمارەکەی زانرا نییە، بڕیارێکی ئەنجومەنی ڕاوێژکاری وەزارەتی کشتوکاڵ بۆ گشتاندنی پرۆژە بێ مۆڵەتەکان هەیە، تا داتایەکی باش لەسەر ئەو پرۆژانە کۆبکرێتەوە و لیژنەی باڵای وەزارەت تێبینی پێشنیازی خۆیان لەبارەیانەوە بخەنە ڕوو.
ئایا پرۆژەی گەورە بۆ بەرهەم هێنانی ماسی لە هەرێمی کوردستان هەیە؟
لە کابینەی نۆی حکومەتی هەرێمی کوردستان دا، مۆڵەت بە ژمارەیەکی زۆری بە پرۆژەی ماسی دا، یەکێک لەو پرۆژانە توانای بەرهەمهێنانی ساڵانەی دەگاتە 11 هەزار تەن ماسی، بەشێک لەو پرۆژەیە تەواو کراوە و دەست بە وەبەرهێنان تێیدا کراوە، بەڵام کارکردن تێیدا بەردەوامە.
پێداویستیی کۆمەڵگە چەندە؟
بەپێی ستانداردی جیهانی هەر تاکێکی پێویستی بە 16 کیلۆ و نیو ماسییە بیخوات، بۆیە هەرێمی کوردستان پێویستی بە زیاتر لە 80 هەزار تۆن گۆشتی ماسی بە هەموو جۆرەکانییەوە هەیە.
زۆرترین ڕێژەی بەرهەمهێنانی ماسی لە کوێیە؟
زۆرترین ڕێژەی ماسی لە ناوچەکانی سەربە پارێزگای هەولێر بەرهەم دەهێنرێت، بەتایبەت لە قەزای کۆیە و ناحێیەکانی ئاشتی و تەق تەق، بە پرۆژەی ماسی مۆڵەتدار و بێ مۆڵەت نزیکەی 2 هەزار پرۆژەی ماسی تێدایە.
کۆی گشتی بەرهەمی ساڵانەی پرۆژە مۆڵەتپێدراوەکانی ماسی چەندە؟
بەرهەمی ساڵانەی پرۆژەی ماسی مۆڵەتپێدراو ئێستا دەگاتە سێ هەزار و 500 تۆن ماسی.
کۆی گشتی بەرهەمی ساڵانەی پرۆژە بێ مۆڵەتەکانی ماسی چەندە؟
لەبەر ئەوەی ژمارەی پرۆژەکان تاوەکو ئێستا نازانرێت چەندە، بۆیە ناتوانرێت خەمڵاندن بۆ بەرهەمەکانیان بکرێت.
زیاتر لەسەر ئەم بابەتانە بکۆڵەرەوە
دوایین هەواڵەکان
- بزنس
- 5 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 6 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
هەڵبژاردەکان بۆ تۆ
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن
13 کاتژمێر لەمەوپێش
ئاڤا مۆڵەتی مافی مانەوەی بەهزاد خوسرەوی بڵاو دەکاتەوە
18 کاتژمێر لەمەوپێش
ژمارەیەک نووسەر و ڕووناکبیر نیگەرانیی خۆیان لە ڕووداوەکانی سلێمانی دەردەبڕن
19 کاتژمێر لەمەوپێش
تەنێکی نامۆ لە مووسڵ دەکەوێتە خوارەوە
7 ئەیلوول
خراپ بەکارهێنانی زیرەکی دەستکرد 10 تریلیۆن دۆلار زیان بە جیهان دەگەیێنێت
6 ئەیلوول
- ڕاپۆرت
- 13 کاتژمێر لەمەوپێش
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن