حوسییەکانی یەمەن زیاتر لە 100 بەندکراو ئازاد دەکەن

ئاڤا نیوز

 

حوسییەکانی یەمەن، لە چوارچێوەی پڕۆژەیەک بە ناوی 'دەستپێشخەریی مرۆیی یەکلایەنە'، 113 بەندکراویان لە سەنعای پایتەختی ئەو وڵاتە ئازاد کرد. 

 

لێدوانی فەرمی: عەبدولقادر مورتەدا، سەرۆکی کۆمیتەی کاروباری بەندکراوەکان ڕایگەیاند، لێخۆشبوونەکە ئەو سەربازانەی حکومەتی گرتووەتەوە کە لە بەرەکانی شەڕ دەستگیر کراون، بەڵام دۆخی تایبەتیان هەبووە وەک "نەخۆشی، برینداری و پیری".

 

بۆچوونی لایەنی بەرامبەر: حکومەتی یەمەنی، کە لەلایەن کۆمەڵگەی نێودەوڵەتییەوە ددانپێدانراوە، ڕایگەیاندووە، ئازادکراوەکان سەرباز نەبوون و کەسی سڤیل بوون لە ماڵ، مزگەوت و شوێنی کارەکانیان لە لایەن حوسییەکانەوە ڕفێنرابوون. 

 

بۆچی گرنگە؟ نزیکەی 10 ساڵە شەڕی نێوان حوسییەکان و حکومەتی یەمەن بەردەوامە. ئەم هەنگاوەی حوسییەکان دەبێتە ڕێکارێکی باش بۆ ئاساییکردنەوەی دۆخی یەمەن.