ئاڤا دیجیتاڵ
بەیانیی ئەمڕۆ زنجیرە چیای مەتینا، كە دەكەوێتە رۆژهەڵاتی ناحیەی دێرەلووك لە قەزای ئامێدی سەر بە پارێزگای دهۆك لەهەرێمی كوردستان، سێ جار لەلایەن فڕۆكە جەنگییەكانی توركیاوە بۆردوومان كرا.
زانیارییە سەرەتاییەكان: بەپێی ئەو زانیارییانەی دەست پەیامنێری ئاڤا میدیا كەوتووە، فڕۆكە جەنگییەكانی توركیا سێ ناوچەی چیای مەتینایان بۆردوومان كردووە، كە دوورن لە ئاوەدانیی، بەڵام جموجووڵی چەكدارانی پارتی كرێكارانی كوردستانی لێیە ، تاوەكو ئێستاش هیچكام لە وەزارەتی بەرگریی توركیا و باڵی سەربازیی پارتی كرێكارانی كوردستان (هەپەگە) زیانەكانی بۆردوومانەكەیان بڵاو نەكردووەتەوە.
ئەوەی پێویستە بیزانیت: شەڕی پەكەكە و سوپای توركیا لە ناوچە سنوورییەكانی هەرێمی كوردستان ژیانی هاووڵاتیانی ئەو ناوچانەی سەختكردووە ، بەهۆی ئەو شەڕەوە تاوەكو ئێستا نزیكەی 800 گوند چۆڵكراون، ناوچە گەشتیارییەكان سوودیان لێ وەرناگیرێت و زەوییە كشتوكاڵییەكانیش جێهێڵراون، كە زۆرینەیان دەكەونە سنووری پارێزگای دهۆك.
باكگراوند: لە ساڵی 1984 ەوە پارتی كرێكارانی كوردستان و سوپای توركیا لە شەڕدان، تاوەكو ئێستا نزیكەی 80 هەزار كەس لە هەردوولا گیانیان لەدەست داوە و بەشێكیشیان بریندار بوون.
لە لێدوانێكی پێشوویدا دوران كالكان، ئەندامی دەستەی بەڕێوەبەری پەكەكە رایگەیاندبوو "ژمارەی ئەو ئەندامانەی پەكەكە كە لە ساڵی 1984 ەوە تاوەكو ئێستا لە شەڕی سوپای توركیا گیانیان لەدەست داوە گەیشتووەتە 50 هەزار كەس". ئاژانسی ئانادۆڵی توركیاش پێشتر بڵاویكردەوە نزیكەی 10 هەزار ئەندامی هێزە ئەمنییەكانی توركیا و 15 هەزار هاووڵاتی مەدەنی كە زۆربەیان كوردن، لە شەڕی 39 ساڵەی توركیا و پەكەكە گیانیان لەدەست داوە.
زیاتر لەسەر ئەم بابەتانە بکۆڵەرەوە
ئاڤا دیجیتاڵ
Editor
دوایین هەواڵەکان
- کوردستان
- 4 کاتژمێر لەمەوپێش
پێنج بەربژێری دیکە لەلایەن کۆمیسیۆن دووردەخرێنەوە
- عێراق
- 4 کاتژمێر لەمەوپێش
دادگای فیدراڵی دەستەی میدیا و پەیوەندییەکانی خستە ژێر دەسەڵاتی پەرلەمان
- بزنس
- 4 کاتژمێر لەمەوپێش
بایۆمەتریی مووچەی مامۆستایانی گرێبەست دەستپێدەكات
- بزنس
- 4 کاتژمێر لەمەوپێش
دەنگۆی هاوردەكردنی تەماتە بەنهێنی بۆ هەرێمی كوردستان ڕەتدەكرێتەوە
هەڵبژاردەکان بۆ تۆ
ڕەسووکە دەچێتە گوندی سرێشمەی باڵەکایەتی
6 کاتژمێر لەمەوپێش
ڕواندز و بیارە پێشبڕکێ بۆ بوون بە خۆشترین گوندی گەشتیاریی جیهان دەکەن
8 کاتژمێر لەمەوپێش
کاتی دابەشکردنی مووچە لە کوردستان و عێراق یەکدەخرێت
9 کاتژمێر لەمەوپێش
نهێنیی تەقینەوەی بێتەلەکانی حیزبوڵڵای لوبنان ئاشکرا دەبێت
17 ئەیلوول
پەیجەر چییە و بۆچی چەكدارانی حیزبوڵڵا بەكاریدەهێنن؟
17 ئەیلوول