![هۆکارەکانی زیادبوونی ئاگرکەوتنەوە چین؟](/_next/image?url=https%3A%2F%2Fassets.ava.news%2Fnews%2F6492%2Fh8r5Y5tVH1EEQbbRRIVD.webp&w=3840&q=100)
بازاڕی قەیسەریی هەولێر دوای ئاگركەوتنەوە- وێنە؛ محەممەد شوانی
ئاڤا نیوز
بەرگریی شارستانی شارەکان ئاماژە بەوە دەدەن، ئەمساڵ حاڵەتەکانی ئاگرکەوتنەوە زیادیکردووە و زەرەر و زیانەکانیش زۆر بوون.
کاریگەری لێکەوتەکانی: ئاگرکەوتنەوە بەهۆکاری جیا جیا و بەشێوەیەکی بەرچاو لەسەرجەم شارەکان تەشەنەی سەندووە، لەگەڵ هاتنی وەرزی دروێنەش سوتانی دەغڵ و دانی جووتیاران یەکێکی دیکەیە لە مەترسییە چاوەڕوانکراوەکان.
لێدوانی فەرمی: موقەدەم شاخەوان سەعید، گوتەبێژی بەرگریی شارستانی هەولێر، بە ئاڤا نیوزی گوت: ئەمساڵ بارانبارین زۆربوو و گژوگیاش زۆر شین بووە، بۆیە حاڵەتی ئاگرکەوتنەوەی دەغڵ و دانمان زۆرە، زۆرترین حاڵەتی ئاگرکەوتنەوەش بە شۆرتی کارەبایە.
لە لایەکی دیکەوە: ڕائید ئارام عەلی، گوتەبێژی بەرگریی شارستانی سلێمانی بە ئاڤا نیوزی گوت: جووتیارانمان ئاگادار کردووەتەوە، لە کاتی دروێنە تەنکەرێک ئاو لەگەڵ خۆیان ببەن، بۆ ئەوەی بتوانن لە کاتی ئاگرکەوتنەوە تەشەنەسەندنی ڕاگرن تا ئێمە دەگەینەشوێنەکە.
درێژەی ڕاپۆرت...
هۆکاری ئاگرکەوتنەوەکان لە هەولێر چین؟
بەپێی گوتەی موقەدەم شاخەوان سەعید، گوتەبێژی بەرگریی فریاکەوتنی هەولێر، "هۆکارەکانی ئاگرکەوتنەوە لەسنوورەکەمان، "شۆرتی کارەبا، مەبەست، بێئاگایی، کەمتەرخەمی و هەورە تریشقەن، بەڵام زۆرترین حاڵەت بەهۆی شۆرتی کارەبایە."
ڕائید ئارام عەلی گوتەبێژی بەرگریی شارستانی سلێمانی، دەڵێت: " مەبەست، بێ ئاگایی، فلتەری جگەرە، هۆکاری ئاگرکەوتنەوەن، هەندێک کەس دوای دروێنە زەویەکە دەسوتێنن و بەجێی دەهێڵن، گوێ بەوە نادەن زەوی جووتیارێکی دی لە تەنیشتیانە و هێشتا دروێنە نەکراوە دەسوتێت".
باران بارین چ پەیوەندی بە ئاگرکەوتنەوە هەیە؟
بەهۆی باران بارینی زۆرەوە گژ و گیای زۆر شین دەبێت، بەتایبەت لەمساڵدا بارانی زۆر باریوە، بۆیە بە گوتەی گوتەبێژی بەرگریی شارستانی هەولێر رۆژ هەبووە 18 حاڵەتی سوتان بەهۆی گژوگیاوە هەبووە، لە گەڕەکی نازنازیش کەسێک پوش و پەڵاشی سوتاندووە و ئاگرەکە تەشەنەی سەندووە و دوو بینای سوتاندووە.
ئەو ناوچانەی هۆکارەکانی ئاگرکوژێنەوەیان نییە، لە کاتی ئاگرکەوتنەوە چی دەکەن؟
گوتەبێژی بەرگریی شارستانی هەولێر باس لەوە دەکات، 15-5 تا 15-7 لەو قەزا و ناحیەیانەی ئاگرکوژێنەوەیان تێدا نییە، تیمی چاودێری 24 کاتژمێری دادەنێن.
ئەو گۆڕانکاریانەی بەسەر سیستەمی ئاگرکوژێنەوە هاتووە چین؟
پێش ساڵی 2010 سیستمی ئاگرکوژێنەوە، بۆ هەر حاڵەتێک پێویستی بەوە هەبوو، کە نووسراو بکات، بەڵام ئێستا سیستمەکە بووە بە ئەلیکترۆنی و پێویستی بەوە نییە نووسراو بکات، کۆمەڵێک ڕۆتینی تێدا نەماوە.
دوایین هەواڵەکان
- بزنس
- 5 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 6 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
هەڵبژاردەکان بۆ تۆ
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن
13 کاتژمێر لەمەوپێش
ئاڤا مۆڵەتی مافی مانەوەی بەهزاد خوسرەوی بڵاو دەکاتەوە
18 کاتژمێر لەمەوپێش
ژمارەیەک نووسەر و ڕووناکبیر نیگەرانیی خۆیان لە ڕووداوەکانی سلێمانی دەردەبڕن
19 کاتژمێر لەمەوپێش
تەنێکی نامۆ لە مووسڵ دەکەوێتە خوارەوە
7 ئەیلوول
خراپ بەکارهێنانی زیرەکی دەستکرد 10 تریلیۆن دۆلار زیان بە جیهان دەگەیێنێت
6 ئەیلوول
- ڕاپۆرت
- 13 کاتژمێر لەمەوپێش
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن