![بۆچی بەشار ئەسەد بەشداریی پرسەی ڕەئیسی نەکرد؟](/_next/image?url=https%3A%2F%2Fassets.ava.news%2Fnews%2F6462%2F16srEpf6DQEOxCvokDHo.jpeg&w=3840&q=100)
دواین دەرکەوتنی ئەسەد و ڕەئیسی
ئاڤا نیوز
سەرکردە و نوێنەرانی زیاتر لە 50 وڵات بەشداریی پرسەکەی سەرۆککۆمار و وەزیری دەرەوەی ئێرانیان کرد، بەڵام ئەوەی جێگەی سەرنج بوو بەشدارینەکردنی بەشار ئەسەد بوو.
وێنە گەورەکە: وەک هاوخەمییەک بۆ گیانلەدەستدانی سەرۆککۆماری ئێران، سەرکردە و نوێنەرانی زیاتر لە 50 وڵات بەشدارییان ڕێوڕەسمی ناشتنەکەیان کرد.
بۆچی گرنگە: بەشار ئەسەد، سەرۆکی سووریا بەدۆستە هەرە نزیکەکەی تاران دادەنرێت، بەڵام لە پرسەکەی ڕەئیسی نەبینرا.
ڕاگەیێنراوی فەرمی: ئاژانسی هەواڵیی ئیرنای فەرمی ئێران ڕایگەیاند: ئەسەد تەلەفۆنی بۆ محەممەد موخبیر کردووە و ئاگاداری کردووەتەوە لەوەی بە زووترین کات سەردانی تاران دەکات.
لەلایەکی دیکەوە: ڕاگەیێنراوی سەرۆکایەتیی سووریا سەبارەت بەو پەیوەندییە تەلەفۆنییە جیاواز بوو لە ڕاگەیێنراوەکەی ئیرنا، کە هیچ ئاماژەیەکی لەبارەی سەردانی داهاتووی سەرۆکی سووریا بۆ تاران تێدا نەبوو.
درێژەی ڕاپۆرتەكە....
"ڕۆژێك دێت ئەسەد لە پشتەوە خەنجەر لە ئێران دەدات"
هەمان ئەو ڕۆژەی ئیبراهیم ڕەئیسی و هاوەڵەكانی تووشی ڕووداوی كەوتنەخوارەوەی هێلیكۆپتەرەكە بوون، ئێران نیگەرانی خۆی لە هەڵوێستی بەشار ئەسەد لە بارەی سێ دوورگەی جێناكۆكەوە ڕاگەیاندبوو.
پێش چەند ڕۆژێك لە ڕووداوەكە، بەشار ئەسەد، سەرۆكی سووریا لەگەڵ وڵاتانی دیكەی عەرەبی گەڕانەوەی سێ دوورگەی ئێرانی "ئەبوموسا، تونبی گەورە و تونبی بچووك"ی بۆ ئیمارات واژۆ كرد و ئەوەش كاردانەوەی ئێرانی لێكەوتەوە.
حیشمەتوڵڵا فەلاحەت پیشە، سەرۆكی پێشووی دەستەی ئاسایشی نیشتمانی و سیاسەتی دەرەوەی پەرلەمانی ئێران، لەبارەی تێڕوانینی لەسەر بەشار ئەسەد گوتوویەتی: "ساڵی 2018 دوای كۆبوونەوەمان لەگەڵ ئەسەد، نوێنەری حكومەت لێی پرسیم ڕای تۆ لەسەر ئەسەد چییە؟ گوتم رۆژێك دێت لە پشتەوە خەنجەر لە ئێران دەدات".
جیاوازی ڕاگەیێنراوەكان ساردی نێوان دیمەشق و تاران دەردەخات
ئاژانسی هەواڵی ئیرنای فەرمی ئێران ڕایگەیاند: "ئەسەد تەلەفۆنی بۆ محەممەد موخبیر كردووە و ئاگاداری كردووەتەوە لەوەی بە زووترین كات سەردانی تاران دەكات".
ڕاگەیێنراوەكەی ئیرنا لەسەر زاری ئەسەد نووسیویەتی: "زۆر حەزم دەكرد لەم ڕۆژانەدا لەگەڵ گەلی ئێران بم و چاوم بە خامنەیی ڕابەری باڵای ئێران بكەوێت، دەمەوێت لە دەرفەتێكدا سەردانی ئێران دەكەم".
بەڵام لە ڕاگەیەندراوەكەی سەرۆكایەتی سوریادا هاتووە: "ئەسەد سەرەخۆشی لە دڵەوە بۆ سەركردایەتی و گەلی كۆماری ئیسلامی ئێران بە بۆنەی كۆچی دوایی سەرۆك ئیبراهیم ڕەئیسی و حوسێن ئەمیر عەبدوڵاهییان وەزیری دەرەوە و هەڤاڵانیان نوێكردەوە و جەختی لە پەیوەندییەكەدا لەگەڵ ئێران كردەوە".
ئەسەد ڕەئیسی بە سولەیمانی چوواندووە؟
بەپێی ئاژانسی ئیرنا ئەسەد گوتوویەتی: "ڕەئیسی كەسایەتییەكی كاریگەر و گرنگە لەسەر گۆڕەپانی هەرێمی و نێودەوڵەتی، بۆ ئێمەش وەك سولەیمانی وایە، ناو و یادەوەرییەكەی لە مێشكی میللەت و حكومەتی سووریاش بۆ هەمیشە دەمێنێتەوە".
لە بەرامبەردا ڕاگەیێنراوی سەرۆكایەتی سووریا سەبارەت بەو پەیوەندییە تەلەفۆنییە جیاواز بوو لە ڕاگەیێنراوەكەی ئیرنا، نە ئاماژەیەكی لەبارەی سەردانی ئەسەد بۆ بۆ تاران تێدابوو. نە بەهیچ شێوەیەك بەراوردكاری نێوان ڕەئیسی و سولەیمانی.
زیاتر لەسەر ئەم بابەتانە بکۆڵەرەوە
دوایین هەواڵەکان
- بزنس
- 5 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 6 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
هەڵبژاردەکان بۆ تۆ
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن
13 کاتژمێر لەمەوپێش
ئاڤا مۆڵەتی مافی مانەوەی بەهزاد خوسرەوی بڵاو دەکاتەوە
18 کاتژمێر لەمەوپێش
ژمارەیەک نووسەر و ڕووناکبیر نیگەرانیی خۆیان لە ڕووداوەکانی سلێمانی دەردەبڕن
19 کاتژمێر لەمەوپێش
تەنێکی نامۆ لە مووسڵ دەکەوێتە خوارەوە
7 ئەیلوول
خراپ بەکارهێنانی زیرەکی دەستکرد 10 تریلیۆن دۆلار زیان بە جیهان دەگەیێنێت
6 ئەیلوول
- ڕاپۆرت
- 13 کاتژمێر لەمەوپێش
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن