جۆن بۆڵتن
ئاڤا دیجیتاڵ
راوێژکاری پێشووی ئاسایشی نیشتیمانیی ئەمریکا، سەبارەت بە دووبارە هەڵبژاردنەوە و گەڕانەوەی ترەمپ بۆ سەرۆکایەتیی ئەمریکا هۆشداریی دەدات. ئەو دەڵێت بە گەڕانەوەی ترەمپ سەرۆکەکانی رووسیا و چین خۆشحاڵ دەبن.
چیرۆکی سەرەکی: جۆن بۆڵتن، راوێژکاری پێشووی ئاسایشی نیشتیمانیی ئەمریکا دەڵێت "دۆناڵد ترەمپ ، سەرۆکی پێشووی ئەمریکا، ستراتیژییەتێکی روونی نیە ئەگەر ببێتەوە بە سەرۆک لەوانەیە لە ناتۆ بکشێتەوە، پشتیوانییەکانی ئەمریکا بۆ ئۆکراینا سنووردار بکات، هانی چین بدات بۆ گەمارۆدانی تایوان و بە گشتی بە دوای دوورەپەرێزییەوە دەبێت".
زانیاری زیاتر: بۆڵتن ئەم گوتانەی لە چاپی نوێ و هەموارکراوی کتێبەکەی خۆیدا نووسیون، لە کتێبەکەدا هێرش دەکاتە سەر ترەمپ و "بە کەسێکی زۆر خۆویست وەسفی دەکات بە جۆرێک نەیارە کەسییەکانی خۆی سزا دەدات و لەگەڵ دوژمنەکانی لە رووسیا و چین پەیوەندی درووست دەکات".
" ترەمپ هیچ فەلسەفەیەکی سیاسی یان دیدگایەکی سیاسیی هاوئاهەنگی نیە ، شایستەی سەرۆکایەتی نیە و ئەگەر چوار ساڵی یەکەم ترەمپ خراپ بوو، چوار ساڵی دووەم خراپتر دەبێت ". بۆڵتن وای نوسیوە.
بە گوتەی بۆڵتن " ترەمپ دەیەوێت تۆڵەی خۆی بکاتەوە، بۆیە ئەگەر ببێتەوە بە سەرۆکی وڵات ئەوا لەوانەیە بەشی زۆی کاتەکەی لە خولی دووەمی سەرۆکایەتیدا بۆ تۆڵەسەندنەوە بێت ، ئەو زیاتر بیر لە بەرژەوەندییەکانی خۆی دەکاتەوە ، شی جین پینگی سەرۆکی چین و ڤلادیمیر پوتینی سەرۆکی رووسیا کێبڕکێیانە لە سەر ئەوەی کە کامیان بە گەڕانەوەی ترەمپ بۆ سەرۆکایەتیی ئەمریکا خۆشحاڵتر دەبن ".
باکگراوند: بۆڵتن ساڵی 2020 کتێبی بیرەوەرییەکانی خۆی بە ناونیشانی (ئەو ژوورەی کە شتی تێدا روویدا) چاپ و بڵاو کردەوە. کتێبەکە باس لە 17 مانگی کارکردنی دەکات کە بۆڵتن راوێژکاری ئاسایشی نیشتیمانی و ترەمپ سەرۆکی ئەمریکا بووە.
ئاڤا دیجیتاڵ
Editor
دوایین هەواڵەکان
- کوردستان
- 4 کاتژمێر لەمەوپێش
پێنج بەربژێری دیکە لەلایەن کۆمیسیۆن دووردەخرێنەوە
- عێراق
- 4 کاتژمێر لەمەوپێش
دادگای فیدراڵی دەستەی میدیا و پەیوەندییەکانی خستە ژێر دەسەڵاتی پەرلەمان
- بزنس
- 4 کاتژمێر لەمەوپێش
بایۆمەتریی مووچەی مامۆستایانی گرێبەست دەستپێدەكات
- بزنس
- 4 کاتژمێر لەمەوپێش
دەنگۆی هاوردەكردنی تەماتە بەنهێنی بۆ هەرێمی كوردستان ڕەتدەكرێتەوە
هەڵبژاردەکان بۆ تۆ
ڕەسووکە دەچێتە گوندی سرێشمەی باڵەکایەتی
5 کاتژمێر لەمەوپێش
ڕواندز و بیارە پێشبڕکێ بۆ بوون بە خۆشترین گوندی گەشتیاریی جیهان دەکەن
8 کاتژمێر لەمەوپێش
کاتی دابەشکردنی مووچە لە کوردستان و عێراق یەکدەخرێت
9 کاتژمێر لەمەوپێش
نهێنیی تەقینەوەی بێتەلەکانی حیزبوڵڵای لوبنان ئاشکرا دەبێت
17 ئەیلوول
پەیجەر چییە و بۆچی چەكدارانی حیزبوڵڵا بەكاریدەهێنن؟
17 ئەیلوول