![ئێران جێگرەوەی وەزیری دەرەوە دیاری دەكات](/_next/image?url=https%3A%2F%2Fassets.ava.news%2Fnews%2F6285%2FWwb63dtmPRrdoY254ae0.webp&w=3840&q=100)
عەلی باقری کنی، جێگری وەزیری دەرەوە-ڕۆیتەرز
ئاڤا نیوز
حکومەتی ئێران گەورە دانووستانکاری دۆسیەی ئەتۆمی وەک وەزیری دەرەوە بە وەکالەت لە شوێنی حوسێن ئەمیر عەبدوڵڵاهیان دەستنیشان دەکات.
وێنە گەورەکە: دوای گیانلەدەستدانی حوسێن ئەمیر عەبدوڵڵاهیان، وەزیری دەرەوەی ئێران، هەرزوو دەسەڵاتدارانی ئەو وڵاتە ڕۆژی 28-06-2024ی بۆ هەڵبژاردنی سەرۆککۆمار دیاری کرد و شوێنە بەتاڵەکەی وەزیری دەرەوەشی بە وەکالەت پڕکردەوە.
ئەوەی ئێستا ڕوودەدات: حکومەتی تاران عەلی باقری کنی، جێگری وەزیری دەرەوەو گەورە دانووستانکاری دۆسیەی ئەتۆمی وەک وەزیری دەرەوە بە وەکالەت لە شوێنی حوسێن ئەمیر عەبدوڵڵاهیان دەستنیشان کرد.
ئەوەی پێویستە بیزانیت: حوسێن ئەمیر عەبدوڵڵاهیان، وەزیری دەرەوەی ئێران لەگەڵ ئیبراهیم ڕەئیسی، سەرۆککۆماری ئەو وڵاتە و حەوت کەسی دیکە لە ڕووداوی کەوتنە خوارەوەی هێلیکۆپتەرەکە گیانیان لەدەست دا.
درێژەی ڕاپۆرتەکە...
پیاوە سەرو ڕیش خۆڵەمێشییەکە کێیە؟
ئەو دانوستانکارە سەرو ڕیش خۆڵەمێشییەی ئێران، لە ڕێڕەوی دیپلۆماسی وتووێژەکانی پایتەختی نەمسا سەبارەت بە دۆسیەی ئەتۆمی ئێران، بە کەسێکی هێمن و لەسەرخۆ ناسراوە، کە تەواو پێچەوانەیە لەگەڵ هەڵوێستە پتەوەکانی.
عەلی باقری بە محافزکارێکی توندڕەو دادەنرێت و کەسێکی نزیکی عەلی خامنەیی، ڕێبەری باڵای شۆڕشی ئیسلامی ئێرانە و خەزوری براکەیەتی. هاوکات ئەزموونی دێرینی لە دۆسیەی ئەتۆمی ئێراندا هەیە.
دوای ڕازیبوونی حکومەتەکەی حەسەن ڕوحانی بە ڕێککەوتنەکەی ڤیەننا لە ساڵی 2015، وەک یەکێک لە تووندترین ڕەخنەگرانی وڵاتەکەی دەرکەوت و حکومەتی ئەوکاتەی بە کڕنۆش بردن بۆ ڕۆژئاوا تۆمەتبار کرد.
ئێران لە ساڵی 2015 لە ڤیەننا ڕێککەوتنێکی ئەتۆمی مێژوویی ئەنجامدا و تێیدا ڕەزامەندی لەسەر سنووردارکردنی بەرنامە ئەتۆمییەکەی دەربڕی لە بەرامبەر سووککردنی ئەو سزایانەی بەسەریدا سەپێنرابوو، بەڵام دۆناڵد ترەمپ سەرۆکی پێشووی ئەمریکا دوای سێ ساڵ لەو ڕێککەوتنە کشایەوە.
"ڕوحانی ئەو بڕوایەی بە ڕۆژئاواییەکان بەخشی کە ئێران زۆر لاوازە "
دوای کشانەوەی ئەمریکا لە ڕێککەوتنی ئەتۆمی و سەپاندنەوەی سزاکان بەسەر ئێران لە ساڵی 2018، باقری پێیوابوو کە ڕوحانی "ئەو بڕوایەی بە ڕۆژئاواییەکان بەخشی کە ئێران زۆر لاوازە"، بەڵام دواتر پەنای بۆ بەکارهێنانی تۆنێکی ڕەق برد بۆ بەرگریکردن لە هەوڵەکانی ئێران بۆ زیندووکردنەوەی ڕێککەوتنەکە.
دوای چەند هەفتەیەک لە دەستبەکاربوونی ئیبراهیم ڕەئیسی لە ساڵی 2021، باقری وەک جێگری وەزیری دەرەوە بۆ کاروباری سیاسی و سەرۆکی دانوستانکاری دۆسیەی ئەتۆمی دەستنیشانکرا. پێش ئەوەی ناوی عەبدوڵڵاهیان بۆ پۆستی وەزیری دەرەوە بهێنرێت ناوی باقری بۆ پۆستی وەزیری دەرەوە زیاتر دەهێنرا.
مردنی سەرۆککۆماری قۆناغێکی ناسەقامگیر بەدوای خۆیدا دەهێنێت
ئاژانسی فرانس پرێس لە زاری شرۆڤەکارانەوە ڕایگەیاندووە، مردنی سەرۆککۆماری ئێران قۆناغێکی ناسەقامگیری لە کۆماری ئیسلامیدا بەدوای خۆیدا دەهێنێت، بەڵام پێشبینی ناکرێ سیاسەتی دەرەوەی ئەو وڵاتە یان ڕۆڵی ئەو وڵاتە لە ناوچەکەدا تێکبدات. بەو پێیەی ڕەئیسی بە یەکێک لە کاندیدەکانی شوێنی عەلی خامنەیی ڕێبەری باڵای شۆڕش دادەنرا و هەر بۆیە مردنەکەی ئەو دەبێتە ئاڵنگارییەکی گەورە بۆ دەسەڵاتدارانی ئەو وڵاتە.
زیاتر لەسەر ئەم بابەتانە بکۆڵەرەوە
دوایین هەواڵەکان
- بزنس
- 5 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 6 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
هەڵبژاردەکان بۆ تۆ
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن
13 کاتژمێر لەمەوپێش
ئاڤا مۆڵەتی مافی مانەوەی بەهزاد خوسرەوی بڵاو دەکاتەوە
18 کاتژمێر لەمەوپێش
ژمارەیەک نووسەر و ڕووناکبیر نیگەرانیی خۆیان لە ڕووداوەکانی سلێمانی دەردەبڕن
19 کاتژمێر لەمەوپێش
تەنێکی نامۆ لە مووسڵ دەکەوێتە خوارەوە
7 ئەیلوول
خراپ بەکارهێنانی زیرەکی دەستکرد 10 تریلیۆن دۆلار زیان بە جیهان دەگەیێنێت
6 ئەیلوول
- ڕاپۆرت
- 13 کاتژمێر لەمەوپێش
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن