جەواد زەریف: واشنتن بەرپرسە لە کەوتنەخوارەوەی هێلکۆپتەرەکەی ڕەئیسی

ئاڤا نیوز 

محەممەد جەواد زەریف، وەزیری دەرەوەی پێشووی ئێران، ئەمریکا بە هۆکاری  کەوتنە خوارەوەی هێلیکۆپتەرەکەی سەرۆککۆماری ئێران دەزانێت، بەوەی گەمارۆی ئابووری خستووەتە سەر کەرتی فڕۆکەوانی ئێران.

وێنە گەورەکە: بە گوتەی زەریف، بەردوامی گەمارۆکانی ئەمریکا بۆ سەر ئێران، ڕێگریکردنی لە هاوردەکردنی فڕۆکەی نوێ و پارچەی یەدەگ بۆ  چاککردنەوە فڕۆکەکان هۆکاری ڕووداوەکەیە.

هۆکارە زانراوەکان: یەکێک لەوانە هێلیکۆپتەرەکەی بێڵ-212ی دروستکراوی ئەمریکی بوو، کە ڕەئیسی گەشتی پێکردووە، پێویستی بە چاککردنەوە بووە نەتوانراوە پارچەی یەدەگی  بۆ هاوردەبکرێت بۆیە کەوتووەتە خوارەوە.

باکگراوند: لە مانگی ئەیلولی 2021 ڕەئیسی بە نەتەوە یەکگرتووەکانی ڕاگەیاندووە کە "گەمارۆکان شێوازی نوێی شەڕی ئەمریکایە لەگەڵ وڵاتانی جیهان".