پسپۆڕیکی بواری فڕۆکەوانی: بەدووری نازانم هێلیکۆپتەرەکەی سەرۆککۆماری ئێران هاککرابێت
- ڕاپۆرت
- 19 ئایار
![پسپۆڕیکی بواری فڕۆکەوانی: بەدووری نازانم هێلیکۆپتەرەکەی سەرۆککۆماری ئێران هاککرابێت](/_next/image?url=https%3A%2F%2Fassets.ava.news%2Fnews%2F6184%2FhKL4UWuGpiI3ShKNv7ZI.png&w=3840&q=100)
هێلیکۆپتەرەکەی سەرۆککۆماری ئێران پێش ونبوونی. وێنە: میدیای ئێرانی
ئاڤا نیوز
پسپۆڕێکی بواری فڕۆکەوانی ئاماژە بەوە دەدات، بەدووری نازانم هێلیکۆپتەرەکەی سەرۆککۆماری ئێران هاککرابێت و کرابێتە ئامانج، بەوهۆیەشەوە کەوتبێتەخوارەوە.
لێدوانی فەرمی: پڕۆفیسۆر. د.عائد عکاب مرعی، سەرۆکی بەشی ئەندازیاری فڕۆکەوانی لە زانکۆی سەلاحەدین بە ئاڤا نیوزی گوت: "90% ئەگەری پارچەپارچەبوونی هێلیکۆپتەرەکە هەیە، چونکە ئەگەر سەلامەت بووایە، تاوەکو ئێستا دۆزرابوویەوە، بەڵام ڕووداوەکە بەهێز بووە و هیچ ئامێرێکی پەیوەندی کار ناکات."
زانیاریی زیاتر: ئەو پرۆفیسۆرە ئاماژەی بەوەش کرد، ئەم ڕووداوە هاوشێوەی ڕووداوی کەوتنەخوارەوەی فڕۆکەکەی عەدنان خەیروڵایە، ئەو کاتەی چووینە سەری، بینیمان بەشێکی فڕۆکەکە کێشەی نییە، بەڵام بەشێکی کراوەتە ئامانج، گومان دەکەم کە دەست لە خستنەخوارەوەی هێلیکۆپتەرەکەی سەرۆککۆماری ئێرانیش هەبێت، ئەگەر سیستەمی ئەلیکترۆنی بۆ دانرابێت، بەدووری نازانم و بواری هاککردنی سیستمەکەشی هەیە.
هێلیکۆپتەرەکە چ جۆرێکە؟
هێلیکۆپتەرەکە لە جۆری می 171ـی سەربازی ڕووسییە و ساڵی 1991 دروستکراوە و سندوقی ڕەشی نییە، بەڵام نوێگەریی زۆری تێدا کراوە و ئامرازەکانی پەیوەندیکردن لەم هێلیکۆپتەرەدا زۆر بەهێزە و خێراییەکەی 250 کیۆمەترە لە کاتژمێرێکدا، توانای بەرزبوونەوەی شەش هەزار و 500 مەتری هەیە.
تایبەتمەندییەکانی هێلیکۆپتەرەکە چین؟
ئەم هێلیکۆپتەرە توانای هەڵگرتنی 24 سەرنشین و هەڵگرتنی 4 تۆن کەلوپەلی هەیە، هەر سەرنشینێکیش جی پی ئێسی خۆی هەیە.
لایەنە باشەکانی: توانای نیشتنەوەی لەسەر ئاو هەیە، لە زۆرینەی وڵاتان زیاتر بۆ مەبەستی سەربازی و گواستنەوەی چەک بەکاردەهێنرێت.
لایەنە خراپەکانی: ئەم هێلیکۆپتەرە توانای بەرگەگرتنی بۆ کەشوهەوا لاوازە، بۆیە تیمی کەشناسی دەبێت پێش فڕین زانیاریی تەواو لەبارەی کەشەکەوە بدەن.
بۆچی کۆمپانیاکانی نەوت ئەم هێلیکۆپتەرە بەکاردەهێنن؟
هێلیکۆپتەری می 171ـی ڕووسی سەرەڕای ئەوەی سەربازییە، بەڵام کۆمپانیاکانی نەوت و گاز بە مەبەستی دۆزینەوەی نەوت و گاز بەکاری دەهێنن، چونکە تایبەتمەندییەکی هەیە لە ئاسمانەوە دەتوانێت ئەو زەوییەی نەوت و گازی تێدایە دەستنیشانی بکات.
هۆکاری ئاگادارنەکردنەوەی تیمەکانی کەشناسی چییە؟
ئەو پسپۆڕەی بواری فڕۆکەوانییە دەڵێت: "هێلیکۆپتەرەکەی سەرۆککۆماری ئێران ئەگەر لەگەڵ بورج و تیمی چاودێری هەماهەنگی و پەیوەندییان هەبووایە، ئەوا دۆزینەوەی شوێنەکەی ئاسانتر دەبوو، بەڵام نەیبووە، هۆکارەکانیش بۆ ڕێوشوێنی ئەمنی و ئەو شوێنەی سەردانیان کردووە دەگەڕێتەوە تاوەکو بەنهێنی بمێنێتەوە و شوێنی فڕینەکە بەنەزانراوی بمێنێتەوە.
دوایین هەواڵەکان
- بزنس
- 5 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 6 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
هەڵبژاردەکان بۆ تۆ
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن
13 کاتژمێر لەمەوپێش
ئاڤا مۆڵەتی مافی مانەوەی بەهزاد خوسرەوی بڵاو دەکاتەوە
18 کاتژمێر لەمەوپێش
ژمارەیەک نووسەر و ڕووناکبیر نیگەرانیی خۆیان لە ڕووداوەکانی سلێمانی دەردەبڕن
19 کاتژمێر لەمەوپێش
تەنێکی نامۆ لە مووسڵ دەکەوێتە خوارەوە
7 ئەیلوول
خراپ بەکارهێنانی زیرەکی دەستکرد 10 تریلیۆن دۆلار زیان بە جیهان دەگەیێنێت
6 ئەیلوول
- ڕاپۆرت
- 13 کاتژمێر لەمەوپێش
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن