ئاڤا دیجیتاڵ
تۆماری بایۆمەتری لە سنووری پارێزگاكانی هەرێمی كوردستان دەستيپێكرد، گوتەبێژی لقی هەولێری كۆمیسیۆنی باڵای سەربەخۆی هەڵبژرادنەكانی عێراق دەڵێت بۆ ماوەی 20 ڕۆژ بەردەوام دەبێت و تەنیا پارێزگاكانی هەرێمی كوردستان دەگرێتەوە.
بۆچی گرنگە: لە دایكبووانی ساڵی 2006 تەمەنیان دەبێتە 18 ساڵ، بەمەش دەبێت كارتی بایۆمەتری دەربهێنن، بۆ ئەوەی بتوانن لە هەڵبژاردنەكانی داهاتووی هەرێمی كوردستان بەشداری بكەن.
چیرۆكی سەرەكی: لقی كۆمیسیۆنی باڵای سەربەخۆی هەڵبژاردنەكان لە هەولێر، سلێمانی و دهۆك، لە پێگەی فەرمی خۆیان ڕاگەیێنراوێكیان بڵاوكردووەتەوە و ئاماژە بەوەدەدەن، لە دایكبووانی ساڵی 2006 هەموو ئەو دەنگدەرانەی كەپێشتر خۆیان تۆمارنەكردووە بایۆمەتری دەیانگرێتەوە، لە ڕێككەوتی 01-02-2024 پێنجشەممە تاوەكو 20-02-2024، لە كاتژمێر هەشتی بەیانی تاوەكو سێـی دوانیوەڕۆ دەتوانن سەردانی لقەكانی كۆمیسیۆن بكەن لە یەكێك لە ناوەندەكاندا خۆیان تۆمار بكەن، بە مەبەستی دروستكردنی كارتی دەنگدانی بایۆمەتری بۆیان.
لێدوانی فەرمی: "ئاسانكاری تەواو كراوە بۆ ڕاییكردنی و دەبێت لە ماوەی ئەو 20 ڕۆژدا سەرجەم ئەو دەنگدەرانەی ماون مامەڵەی خۆتۆماركردن بكەن، چونكە هیچ نیازێك بۆ درێژكردنەوەی وادەكەی لەلایەن كۆمیسیۆنی باڵای سەربەخۆی هەڵبژاردنەكان نییە". ئەحمەد مازن، گوتەبێژی لقی هەولێری كۆمیسیۆنی باڵای سەربەخۆی هەڵبژرادنەكانی عێراق ئەمەی بە ئاڤا میدیا گوت.
ئەوەی پێویستە بیزانیت: بەگوێرەی ئەو ئاگادارییەی لە پێگەی فەرمی لقەكانی (هەولێر، سلێمانی و دهۆك) كۆمیسیۆنی باڵای سەربەخۆی هەڵبژاردنەكان بڵاوكراوەتەوە، پێویستە دەنگدەران ئەو سێ بەڵگەنامەیە لەگەڵ خۆیان ببەن، بۆ دەرهێنانی كارتی بایۆمتری، كە پێكهاتوون لە:
1-كارتی نیشتیمانی یان ناسنامەی باری (شارستانی و ڕەگەزنامە).
2-كۆبۆنی خۆراك.
3-بەڵگەنامەی نیشتەجێبون.
پێشینە: بەگوێرەی دوایین ئاماری كۆمیسیۆنی باڵای سەربەخۆی هەڵبژاردنەكانی عێراق، ژمارەی دەنگدەرانی هەرێمی كوردستان زیاتر لە سێ ملیۆن و 641 هەزار و 566 كەسە، لەماوەی ساڵی 2023 زیاتر لە 200 هەزار كەس زانیارییەكانی خۆیان لە تۆماری دەنگدەران نوێ كردووەتەوە.
ئاڤا دیجیتاڵ
Editor
دوایین هەواڵەکان
- کوردستان
- 3 کاتژمێر لەمەوپێش
پێنج بەربژێری دیکە لەلایەن کۆمیسیۆن دووردەخرێنەوە
- عێراق
- 3 کاتژمێر لەمەوپێش
دادگای فیدراڵی دەستەی میدیا و پەیوەندییەکانی خستە ژێر دەسەڵاتی پەرلەمان
- بزنس
- 3 کاتژمێر لەمەوپێش
بایۆمەتریی مووچەی مامۆستایانی گرێبەست دەستپێدەكات
- بزنس
- 3 کاتژمێر لەمەوپێش
دەنگۆی هاوردەكردنی تەماتە بەنهێنی بۆ هەرێمی كوردستان ڕەتدەكرێتەوە
هەڵبژاردەکان بۆ تۆ
ڕەسووکە دەچێتە گوندی سرێشمەی باڵەکایەتی
5 کاتژمێر لەمەوپێش
ڕواندز و بیارە پێشبڕکێ بۆ بوون بە خۆشترین گوندی گەشتیاریی جیهان دەکەن
7 کاتژمێر لەمەوپێش
کاتی دابەشکردنی مووچە لە کوردستان و عێراق یەکدەخرێت
8 کاتژمێر لەمەوپێش
نهێنیی تەقینەوەی بێتەلەکانی حیزبوڵڵای لوبنان ئاشکرا دەبێت
17 ئەیلوول
پەیجەر چییە و بۆچی چەكدارانی حیزبوڵڵا بەكاریدەهێنن؟
17 ئەیلوول