دەمیرتاش بە 28 ساڵ و شەش مانگ زیندانیکردن سزا درا

ئاڤا نیوز

 

دەمیرتاش بە تۆمەتی "تێكدانی یەکڕیزی و یەکپارچەیی دەوڵەت" و "هاندانی تاوان"، بە 20 ساڵ زیندانی و چوار ساڵ و شەش مانگ زیندانی سزا دراوە.

وێنە گەورەکە: دانیشتنی دادگەی باڵای تاوانەكانی ئەنقەرە، بەبێ ئامادەبوونی سەڵاحەدین دەمیرتاش و ئەندامەکانی دیکەی هەدەپە بەڕێوە چوو. 18کەس لەوانەی کە دادگەکە حوکمی داون ئازادن و 18کەسی دیکەشیان دەستبەسەرن. 72 کەس لەو تۆمەتبارانە، دەستبەسەر نەکراون و هەڵاتوون.

ئەوەی پێویستە بیزانیت: دەمیرتاش، بەهۆی ئەو وتارەی لە نەورۆزدا لە 21ی ئازاری 2016 پێشکەشی کرد، سزای دوو ساڵ و شەش مانگ زیندانی بەسەردا سەپێندرا. هەروەها بە تۆمەتی "هاندانی خەڵک بۆ سەرپێچیکردنی یاسا" لە وتارەکەیدا لە ئامەد، لە 29ی شوباتی 2016، سزای ساڵێک و شەش مانگ زیندانیکردنی بەسەردا سەپێندرا.

لە لایەکی دیکەوە: فیگەن یوکسەکداغ، هاوسەرۆکی پێشووتری هەدەپە  32 ساڵ و نۆ مانگ سزای زیندانیکردنی بۆ دەرچوو، لە کاتێکدا پێشووتر بە 19 ساڵ زیندانی سزا درابوو.