لە هەولێر بە گوژمەی زیاتر لە سێ ملیار دینار پارکێک دروست کرا

ئاڤا نیوز

 

پارکی 150 مەتری لەسەر ئەرک و ڕاسپاردەی سەرۆکوەزیران بارزانی جێبەجێ کراوە و گوژمەکەی 3.7 ملیار دینار بووە.

 

وێنە گەورەکە: پارکی 150 مەتری دەکەوێتە سەر شەقامی 150 مەتری و نزیک ڕێگەی پیرمام، ئەم پارکە لەلایەن وەزیری شارەوانی و پارێزگاری هەولێر کرایەوە.

 

لێدوانە فەرمییەکان: ساسان عەونی، وەزیری شارەوانی ڕایگەیاند: "پیرۆزبایی لە جێبەجێکارانی ئەم پرۆژەیە دەکەم کە ئەرکەکانیان زۆر بە باشی جێبەجێ کرد".

 

ئومێد خۆشناو، پارێزگاری هەولێر لەبارەی پارکەکەوە گوتی: "ئەم پرۆژەیە 60 هەزار داری گەورە و بچووک لەخۆ دەگرێت".

 

ئەمەش بزانە: لە دوو ڕۆژی ئایندە، وەزیری شارەوانی لەگەڵ پارێزگاری هەولێر بەردی بناغەی پارکی ڕەشکین لەسەر شەقامی 120 مەتری دادەنێن.