پێشەوا هەورامانی: کەسانی شۆڤێنی رێگرن لە ناردنی مووچە و شایستە داراییەکانی کوردستان
- هەواڵ
- 30 کانوونی دووەم
ئاڤا دیجیتاڵ
گوتەبێژی حکومەتی هەرێمی کوردستان لە پەیامێکدا وەڵامی راوێژکارێکی سەرۆکوەزیرانی عێراق دەداتەوە و دەڵێت: ئەوانەی مووچە و شایستە داراییەکانی هەرێمی کوردستانیان راگرتووە، کەسانی وەک ئەو راوێژکارەن کە عەقڵیەتی شۆڤێنییان هەیە و پێداگرن لەسەر برسیکردنی خەڵکی کوردستان.
چیرۆکی سەرەکی: پێشەوا هەورامانی، گوتەبێژی حکومەتی هەرێمی کوردستان، ئەمڕۆ سێشەممە 30-1-2024، لە پەیامێکدا وەڵامی راوێژکارێکی محەممەد شیاع سوودانی، سەرۆکوەزیرانی عێراقی دایەوە کە لێدوانی دژی حکومەتی هەرێمی کوردستان دابوو و گوتبووی: واز لە دیپلۆماسییەت بهێنن و خەریکی مووچە بن.
لێدوانی فەرمی: پێشەوا هەورامانی بەبێ ئاماژەکردن بە ناوی راوێژکارەکە دەڵێت: "پرسیارەکە ئەمەیە؛ سەرەڕای ئەوەی بە نادەستووری دەستخراوەتە قوڕگی حەوت ملیۆن کەس و برسی دەکرێن و 55 ماددەی دەستووری بەرامبەر خەڵکی هەرێمی کوردستان پێشێلکراون، کەچی ئەم بەڕێزە دڵی لای ئەوەیە نابێت هەرێمی کوردستان جوڵەی دیپلۆماسی هەبێت".
زانیاری زیاتر: گوتەبێژی حکومەت بەپێویستی دەزانێت هاووڵاتیان لە سەرانسەی عێراق بزانن ئەوانەی شایستە داراییەکانی هەرێمی کوردستان و مووچەخۆرانیان راگرتووە، کەسانی وەک ئەو راوێژکارەن کە تا سەر ئێسقان بەو عەقڵیەتە شۆڤێنییە پێداگری لەسەر برسیکردنی خەڵکی هەرێمی کوردستان دەکەن".
ئەو مانایەی دەیگەیێنێت: گوتەبێژی حکومەت بە جەختکردنەوە لەوەی دڵنیان کەسانی هاوشێوە و خاوەن ئەم بیر و هزرە کۆسپن لەبەردەم نزیکبوونەوەی هەرێمی کوردستان و حکومەتی فیدراڵ، دەڵێت "راوێژکاری هاوشێوەن دەیانەوێت لەمپەر بخەنە بەردەم هەنگاوەکانی بەڕێز سەرۆکوەزیران سوودانی بۆ چارەسەرکردنی کێشەکان لەگەڵ هەرێمی کوردستان".
ئاڤا دیجیتاڵ
Editor
دوایین هەواڵەکان
- بزنس
- 2 خولەک لەمەوپێش
بانکی ناوەندیی عێراق فرۆشتنی دۆلاری دەستپێکردەوە
- کوردستان
- 53 خولەک لەمەوپێش
جموجۆڵەکانی چەکدارانی داعش لە سنووری کەرکووک لە زیادبوونە
- عێراق
- 1 کاتژمێر لەمەوپێش
مەندەلاوی سەرۆکایەتی کۆبوونەوەی لیژنەی ماددەی 140 دەکات
- جیهان
- 1 کاتژمێر لەمەوپێش
سویسرا بە باشترین وڵاتی جیهان دەستنیشان دەکرێت
- تەندروستی
- 1 کاتژمێر لەمەوپێش
جۆرێکی نوێی ڤایرۆسی کۆرۆنا بڵاودەبێتەوە
هەڵبژاردەکان بۆ تۆ
سویسرا بە باشترین وڵاتی جیهان دەستنیشان دەکرێت
1 کاتژمێر لەمەوپێش
گەشتکردن پڕۆسەی پیربوون دوادەخات
10 کاتژمێر لەمەوپێش
بەردێکی دەگمەن بەهاکەی زیاتر لە یەک ملیۆن دۆلارە
15 ئەیلوول
ئەو خواردن و خواردنەوانەی ڕەنگی ددانەکان دەگۆڕن
15 ئەیلوول
یەکێتی فەرمانگە حکومییەکان بۆ بانگەشەی هەڵبژاردن بەکاردەهێنێت
15 ئەیلوول