دەزگای ئاسایشی هەرێمی کوردستان دەستگیرکردنی 'دووپشکەکەی ئەوروپا'ـی ڕاگەیاند

ئاڤا نیوز

 

دەزگای ئاسایشی هەرێمی کوردستان دەستگیرکردنی قاچاخچییەکی کورد ڕاگەیاند کە لە پۆلیسی نێودەوڵەتی داواکراو بووە و چەند وڵاتێکی ئەوروپا بەدوایدا دەگەڕان.

 

وێنە گەورە: بەرزان مەجید ناسراو بە "دووپشک"، یەکێکە لە قاچاخچییەکانی سنووری کەناڵی ئینگلیز و کۆچبەرەکانی بە بەلەمی بچووک دەگواستەوە بۆ ناو بەریتانیا، پۆلیسی ئینتەرپووڵ بە یەکێک لە داواکراوە مەترسیدارەکان ناوی بردووە و بەدوایدا دەگەڕا، ئەمڕۆ ئاسایشی سلێمانی دەستگیری کرد.

 

ڕاگەیێنراوی فەرمی: پاش بەدواداچوون و لێکۆڵینەوەی هێزەکانی ئاسایش، لەسەر بنەمای ئاڵۆگوڕی زانیاریی هەواڵگری و لەسەر داوای پۆلیسی نێودەوڵەتی، گەورە بازرگانێکی قاچاخچی و بازرگانیکردن بە مرۆڤەوە، بەناوی (ب،ک،م) ناسراوە بە (دووپشک) دەستگیر کرا.