پسپۆڕان: پێشنیازەکەی سەرۆكوەزیران بارزانی بۆ ڕێگەی گەشەپێدان ئابووریی کوردستان دەبووژێنێتەوە
- ڕاپۆرت
- 12 ئایار
![پسپۆڕان: پێشنیازەکەی سەرۆكوەزیران بارزانی بۆ ڕێگەی گەشەپێدان ئابووریی کوردستان دەبووژێنێتەوە](/_next/image?url=https%3A%2F%2Fassets.ava.news%2Fnews%2F5774%2FBlx5KCTw99lyp2S1Ys0p.jpg&w=3840&q=100)
گرافیک: ئاڤا نیوز
ئاڤا نیوز
حكومەتی هەرێمی كوردستان و حکومەتی فیدراڵیی عێراق لە گفتوگۆدان لەسەر تێپەڕینی پڕۆژەی ڕێگەی گەشەپێدان بە هەرێمی کوردستان و شارەزایانی ئابووریش دەڵێن، گرنگە هەرێمی كوردستان بەشێك بێت لە پڕۆژەكە.
وێنە گەورەكە: یەكێك لە پڕۆژە ستراتیژییە گرنگەكان كە لە عێراقدا دەكرێت، پڕۆژەی ڕێگەی گەشەپێدانە، هەرێمی كوردستان دەیەوێت ببێتە بەشێك لەو پڕۆژەیە، سەرۆكووەزیران بارزانیش دەڵێت، چەند پێشنیارێكمان بۆ باشكردنی پڕۆژەكە داوەتە حكومەتی عێراق و لە گفتوگۆداین لەو بارەیەوە.
لێدوانی فەرمی: سەرۆکوەزیران بارزانی ڕایگەیاند: "پێمان باشە ڕێگەکە لە زاخۆوە بۆ مووسڵ و هەولێر، دواتر کەرکووک و ئینجا بۆ بەغدا بڕوات، بۆیە ئەگەر بەو شێوەیە نەبێت، هۆکارەکە هەرچییەک بێت پلانێکی هەڵەیە. ئەو پێشنیازەشمان پێشکەش بەغدا کردووە، هێشتا نازانین بە چ جۆرێک دەبێت". سەرۆکوەزیران بارزانی، ئەو قسانەی لە پانێلێکی سیمپۆزیومی نێودەوڵەتیی کاریگەرییەکانی وشکەساڵی و گۆڕانی ئاووهەوا لەسەر دۆخی سیاسی، ئابووری و دیموگرافیای عێراق کرد.
لێدوانی تایبەت: تارا شوان ـ پەرپرسی ئینستتیوتیی ئابووریی كوردی ـ ئەمریكی لەوبارەیەوە بە ئاڤا نیوزی گوت: "ئەگەر پڕۆژەی گەشەپێدان بۆ هەموو عێراق نەبێت، ئەوا عێراق تەنیا دەبێتە پردی گەیاندنی كەنداو بە ئەوروپا و عێراقی و کوردستانییەکان هیچ سودێكی لێنابینن، بەڵام بە پێی پێشنیازەکەی سەرۆکوەزیران بارزانی دەبێتە شاڕێیەكی ئابووری گرنگ".
زانیاریی بەدەستهاتوو: بەهرۆز جەعفەر، دكتۆرا لە پەیوەندییە نێودەوڵەتییەكان و سەرۆكی پەیمانگەی مەدیتەرانە بۆ توێژینەوەی هەرێمایەتی بۆ ئاڤا نیوز گوتی: "هەرێمی كوردستان دەتوانێت ڕۆڵێكی گرنگی لە پڕۆژەکە هەبێت و دەتوانێت بەشێك بێت لە پارێزەری ئاسایشەکەی. بۆ ئەوەی بشبێتە بەشێك لە پڕۆژەكە پێویستە گەڕێكی دیپلۆماسیی و لۆبییەکی بەهێزی ناوخۆیی و ناوچەیی بكات".
باکگراوند: تێچووی پڕۆژەکە 17 ملیار دۆلارە. ڕێگەکە لە بەندەری فاوی باشووری عێراق دەست پێ دەکات و بە شارەکانی دیوانییە، نەجەف، کەربەلا، بەغدا و موسڵدا تێدەپەڕێت، پاشان لە باشووری ڕۆژهەڵاتی پارێزگای شڕناخەوە دەچێتە نێو خاکی تورکیا و لە بەندەری مێرسینی سەر دەریای ناوەڕاستەوە دەگاتە ئەوروپا.
دوایین هەواڵەکان
- بزنس
- 5 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 6 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
هەڵبژاردەکان بۆ تۆ
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن
13 کاتژمێر لەمەوپێش
ئاڤا مۆڵەتی مافی مانەوەی بەهزاد خوسرەوی بڵاو دەکاتەوە
18 کاتژمێر لەمەوپێش
ژمارەیەک نووسەر و ڕووناکبیر نیگەرانیی خۆیان لە ڕووداوەکانی سلێمانی دەردەبڕن
19 کاتژمێر لەمەوپێش
تەنێکی نامۆ لە مووسڵ دەکەوێتە خوارەوە
7 ئەیلوول
خراپ بەکارهێنانی زیرەکی دەستکرد 10 تریلیۆن دۆلار زیان بە جیهان دەگەیێنێت
6 ئەیلوول
- ڕاپۆرت
- 13 کاتژمێر لەمەوپێش
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن